Cronfa Effaith Balchder Bro
Mae Cronfa Effaith Balchder Bro yn rhaglen ledled Prydain, a’i nod yw darparu buddsoddiad i adfer balchder bro, cefnogi cydlyniant cymunedol, a sbarduno gweithgarwch economaidd lleol trwy welliannau gweladwy, tymor byr, wedi’u harwain gan y gymuned.
Mae’r Grantiau Bach yn cyd-fynd â’r amcanion Cronfa Effaith Balchder Bro canlynol:
- Mannau cymunedol: creu, ehangu, gwella neu adfer cyfleusterau cymunedol presennol a galluogi sefydliadau cymunedol i gymryd rheolaeth neu berchnogaeth o asedau lleol sy’n werthfawr ond sydd wedi’u tanddefnyddio.
- Mannau cyhoeddus: gwella’r amgylchedd ffisegol mewn mannau cyhoeddus - mae enghreifftiau o fentrau’n cynnwys mannau gwyrdd neu sgwariau cyhoeddus newydd neu wedi’u gwella, gwella ardaloedd chwarae awyr agored, mannau chwaraeon a hamdden, gosod dodrefn stryd, celf gyhoeddus neu arwyddion.
Cymorth Grant sydd ar gael
Mae Grant Bach y Gronfa Effaith Balchder Bro yn cynnig cyfalaf yn unig, yr isafswm sydd ar gael yw £1,000 a’r uchafswm yw £10,000 (gan gynnwys TAW anadferadwy). Ni all cyfanswm costau’r prosiect fod yn fwy na £25,000.
| Cyfanswm Costau’r Prosiect | A oes angen arian cyfatebol | Uchafswm y grant |
|---|---|---|
| O £1,000 i £10,000 | Nac oes | £10,000 |
| O £10,001 i £25,000 | Oes | £10,000 |
Gwneud cais
Unwaith y derbynnir yr holl ddogfennaeth erbyn y dyddiad cau, bydd y cais llawn yn cael ei gyflwyno gerbron Panel Gwerthuso Grantiau Cyngor Bwrdeistref Sirol Pen-y-bont at Ogwr i’w adolygu.
Y dyddiad cau ar gyfer derbyn ceisiadau yw 5.00pm ddydd Gwener 31 Mawrth 2026.
Bydd pob ymgeisydd yn cael ei hysbysu o’r canlyniad erbyn 8 Mai 2026.
Os na fydd y dyraniad cyllid llawn wedi cael ei ddefnyddio yn ystod y cyfnod ymgeisio hwn, bydd rownd ymgeisio ychwanegol yn cael ei agor.
Rhaid cwblhau pob prosiect llwyddiannus erbyn 28 Chwefror 2027.
Darllenwch y ddogfen ganllaw ar gyfer Grantiau Bach Cronfa Effaith Balchder Bro cyn cwblhau’r ffurflen gais hon a dychwelwch y ffurflen drwy e-bostio:
Am ragor o wybodaeth ac arweiniad, ewch i wefan Reach: