Cronfa Deddf yr Eglwys yng Nghymru
Mae Cronfa Deddf yr Eglwys yng Nghymru (CDEN) ar gael i grwpiau cymunedol cyfansoddedig, elusennau, Eglwysi, Capeli a Mannau Addoli Cyhoeddus sy'n gweithredu yn ardaloedd Bwrdeistref Sirol Rhondda Cynon Taf, Merthyr a Phen-y-bont ar Ogwr.
Rhaid i sefydliadau ddarparu gweithgareddau sydd â budd uniongyrchol hirdymor i drigolion a chymunedau yn yr ardaloedd hyn a rhaid iddynt fod yn agored i aelodau o'r cyhoedd yn gyffredinol.
Ni all sefydliadau sydd naill ai wedi'u trwyddedu i werthu alcohol; sydd â thystysgrif adeilad clwb; sy’n gweithredu o gyfeiriad preswyl neu sy’n gorff statudol (gan gynnwys cynghorau tref a chymuned) wneud cais.
Mae tair lefel o gyllid ar gael:
|
Categori |
Gall y Gronfa Gyfrannu |
Cyfraniad Gofynnol gan yr Ymgeisydd |
|---|---|---|
|
Safonol - Bach |
100% tuag at gyfanswm cost cymwys y prosiect hyd at uchafswm grant o £3,000 |
0% |
|
Safonol - Canolig |
Hyd at 90% tuag at gyfanswm cost cymwys y prosiect hyd at uchafswm grant o £15,000 |
O leiaf 10% |
|
Sylweddol - Mawr |
Hyd at 80% tuag at gyfanswm cost cymwys y prosiect hyd at uchafswm grant o £50,000 |
O leiaf 20% |
Sefydlwyd y Gronfa gyda'r elw a'r asedau o ddadsefydlu Eglwys Loegr yng Nghymru ac fe'i gweinyddir gan Gyngor Bwrdeistref Sirol Rhondda Cynon Taf.