Prosiectau'r Fframwaith Ffyniant Cyffredin
Gwybodaeth am brosiectau llwyddiannus Fframwaith Ffyniant Cyffredin Llywodraeth y DU a gyflwynwyd ym Mwrdeistref Sirol Pen-y-bont ar Ogwr.
Mae Cronfa Ffyniant Gyffredin (CFfG) y DU yn cefnogi ymrwymiad ehangach llywodraeth y DU i godi’r gwastad ym mhob rhan o'r DU trwy gyflawni pob un o'r amcanion ffyniant bro:
- Rhoi hwb i gynhyrchiant, cyflog, swyddi a safonau byw drwy dyfu'r sector preifat, yn enwedig yn y mannau hynny lle maent ar ei hôl hi
- Lledaenu cyfleoedd a gwella gwasanaethau cyhoeddus, yn enwedig yn y mannau hynny lle mae’r rhai gwannaf
- Adfer ymdeimlad o gymuned, balchder a pherthyn yn lleol, yn enwedig yn y mannau hynny lle maen nhw wedi eu colli
- Grymuso arweinwyr a chymunedau lleol, yn enwedig yn y lleoedd hynny sydd heb asiantaeth leol.
Beth yw'r Fframwaith Ffyniant Cyffredin? - Mae'r fframwaith trawsbynciol hwn, sy'n cyflawni yn erbyn pob un o 3 blaenoriaeth fuddsoddi CFfG y DU, wedi rhoi mecanwaith cyflawni addasadwy i'r cyngor, i’n galluogi i weithio gyda'n partneriaid allanol i gyd-gynhyrchu prosiectau addasadwy ac ymatebol a all ymateb i anghenion a chyfleoedd newidiol ar draws y Fwrdeistref Sirol, ac ychwanegu gwerth at y prif Gynllun Buddsoddi Lleol.
Tyfu Cymunedol
Sefydliad cyflenwi: Baobab Bach
Mae Baobab Bach yn cynnig bwyd fforddiadwy i gymunedau trwy bantrïau cymunedol.
Sgiliau Gweithgynhyrchu a Pheirianneg STEM
Sefydliad Cyflenwi: Met Caerdydd
Mae'r rhaglen yn cyd-fynd â strategaethau rhanbarthol a chenedlaethol, gan fynd i'r afael yn uniongyrchol â phrinder sgiliau critigol wrth hyrwyddo amrywiaeth a chynhwysiant o fewn gyrfaoedd STEM.
Adnoddau Democratiaeth Leol
Sefydliad Cyflenwi: Plant yng Nghymru
Gweithiodd y prosiect hwn gyda phlant a phobl ifanc 11-25 oed ar draws y fwrdeistref sirol i gasglu gwybodaeth gyfredol a nodi cyfleoedd a bylchau neu rwystrau posibl mewn perthynas ag ymgysylltiad pobl ifanc â democratiaeth yn lleol.
Coginio Iach Dechrau'n Deg
Sefydliad cyflenwi: Coginio ’Dan Gilydd Cymru
Nod y prosiect oedd darparu’r sgiliau, yr hyder, yr offer, y cynhwysion a’r ryseitiau sydd eu hangen ar deuluoedd i barhau â’r sgiliau coginio hyn gartref.
Sgiliau Gweithgynhyrchu a Pheirianneg i Bobl Ifanc
Sefydliad cyflenwi: EESW
Cyflwynodd EESW gyfres o weithdai STEM ymarferol i dros 250 o ddisgyblion ysgol uwchradd ar draws pum ysgol ym Mwrdeistref Sirol Pen-y-bont ar Ogwr.
Economi Bwyd Cynaliadwy
Sefydliad cyflenwi: The Wellbeing Planner
Nod y prosiect oedd sefydlu Rhwydwaith Economi Bwyd Cynaliadwy Pen-y-bont ar Ogwr.
Cyngor ac Arweiniad ar Ynni ac Effeithlonrwydd
Sefydliad cyflenwi: Challoch Energy
Penododd Cyngor Bwrdeistref Sirol Pen-y-bont ar Ogwr y busnesau lleol Challoch Energy a Nuvision Energy Wales, ynghyd â Choleg Penybont, i ddatblygu gwasanaeth cyngor ynni ‘Siop Un Stop’.
Ymgysylltu â Democratiaeth Leol
Sefydliad cyflenwi: Tanio
Roedd y prosiect DEWIS gan Tanio yn caniatáu i bobl ifanc ym Metws a'r ardaloedd cyfagos ymgysylltu â gwleidyddiaeth leol drwy greu darn gwreiddiol o gerddoriaeth a theatr ar themâu llywodraeth leol.
Cymunedau Cryf: Cyfleusterau a Gweithgareddau
Sefydliad Cyflenwi: Ymddiriedolaeth Ddiwylliannol Awen
Nod y rhaglen Lles Creadigol oedd ysgogi cymunedau, datblygu sgiliau a gwella iechyd a lles pobl drwy'r celfyddydau, diwylliant a threftadaeth.
Cymunedau Cryf: Mapio ac Ymchwil
Sefydliad cyflenwi: The Means
Ymchwiliodd y prosiect i elusennau, grwpiau cymunedol, cynghorau cymuned a thref, rhwydweithiau, sefydliadau'r trydydd sector a grwpiau gwirfoddol yn yr ardal i helpu i dynnu sylw at ba waith gwirfoddol sy'n cael ei wneud, ble mae'r bylchau a dadansoddi dulliau o gyflawni llwyddiant cymunedol.
Gweithgareddau celfyddydol, diwylliannol, treftadaeth a chreadigol lleol
Sefydliad cyflenwi: Tanio
Cynhaliodd Tanio Ddiwrnod Hwyl Cymunedol yng Nghwm Garw ar gyfer gweithgareddau creadigol, celfyddydol a chwaraeon. Gan weithio mewn partneriaeth â Chlwb Pêl-droed Betws a Chlwb Ieuenctid Cwm Garw, fe wnaethon nhw ddarparu sesiynau drymio, celf a chrefft, pêl-droed 5 bob ochr, peintio wynebau, Celfyddydau Coedwig a mwy am ddim.
Llun gan: Chris Lloyd
Cymunedau Cryf: Ymgysylltu a Meithrin Gallu
Sefydliad cyflenwi: BAVO
Darparodd y prosiect gyngor ariannu wedi'i deilwra, cyngor ar ysgrifennu cynigion a digwyddiadau fel ffeiriau ariannu i gefnogi gwasanaethau cymunedol a lleoliadau i ddenu mewnfuddsoddiad ac i reoli/tyfu eu gwaith.
Quickstart Pen-y-bont ar Ogwr
Sefydliad cyflenwi: Whitehead Ross Education
Helpodd y prosiect 76 o bobl i ennill profiad gwaith gwerthfawr, a chynigiwyd swyddi i'r mwyafrif o'r rhain ar ddiwedd eu lleoliadau.