Sefydliad cyflawni: Coginio ’Dan Gilydd Cymru
Roedd prosiect Coginio Iach Dechrau'n Deg yn annog teuluoedd i baratoi, coginio a bwyta bwydydd iach gyda'i gilydd.
Nod y sesiynau oedd hyrwyddo'r defnydd o lysiau a chynhwysion iach i wneud prydau syml fel teulu. Roedd hefyd eisiau ennyn diddordeb plant ifanc mewn defnyddio offer a thechnegau coginio yn ogystal â'u hannog i roi cynnig ar amrywiaeth ehangach o fwyd.
Nod y prosiect oedd darparu’r sgiliau, yr hyder, yr offer, y cynhwysion a’r ryseitiau sydd eu hangen ar deuluoedd i barhau â’r sgiliau coginio hyn gartref.
Cafodd sesiynau eu cyflwyno mewn lleoliadau gofal plant Dechrau'n Deg ledled y fwrdeistref sirol, gyda mwy na 120 o rieni a gofalwyr yn cymryd rhan.
Mae’r prosiect hwn wedi ei ariannu gan Llywodraeth y DU drwy Gronfa Ffyniant Gyffredin y DU.
