Gweithgareddau Peirianneg a Gweithgynhyrchu
Sefydliad cyflwyno: Cynllun Addysg Peirianneg Cymru
Rhaglen o weithdai STEM ar gyfer ysgolion uwchradd ar draws Bwrdeistref Sirol Pen-y-bont ar Ogwr. Mae'r rhaglen wedi'i chynllunio i ddatblygu sgiliau cyflogadwyedd disgyblion wrth ennyn eu diddordeb mewn llwybrau STEM.
Dewisodd ysgolion o blith ystod o weithgareddau diddorol yn cyfuno agweddau ar ddatrys problemau, creadigrwydd, codio, a gwaith tîm yng nghyd-destun heriau peirianneg a gweithgynhyrchu’r byd go iawn.
Roedd y sesiynau’n ymarferol, yn ddeinamig, ac wedi'u gwreiddio mewn senarios sy'n annog disgyblion i feddwl yn feirniadol a chymhwyso cysyniadau STEM mewn ffyrdd ymarferol. Cafodd disgyblion gyfle hefyd i roi cynnig ar ddulliau gweithredu newydd ac archwilio offer nad ydynt fel arfer yn dod ar eu traws, i gyd o fewn amgylchedd diogel a chyfarwydd eu hysgol eu hunain.
Mae'r gweithdai fel arfer yn rhedeg am 1 i 2 awr ac roeddent wedi’u halinio'n bennaf â’r Cwricwlwm i Gymru yng Ngham Dilyniant 4.
Drwy weithio'n uniongyrchol mewn ysgolion, mae CAPC STEM Cymru yn lleihau'r rhwystrau i gyfranogiad ac yn cefnogi ysgolion Bwrdeistref Sirol Pen-y-bont ar Ogwr i baratoi disgyblion ar gyfer gyrfaoedd mewn sectorau sy'n hanfodol i economi Prifddinas-Ranbarth Caerdydd.
Mae’r prosiect hwn wedi ei ariannu gan Llywodraeth y DU drwy Gronfa Ffyniant Gyffredin y DU.