O 01 Mai i 30 Medi mae cŵn yn cael eu gwahardd oddi ar nifer o draethau ym Mwrdeistref Sirol Pen-y-bont ar Ogwr - Gwahardd cŵn oddi ar draethau
Swyddi gofal a gwaith cymdeithasol
Dyma adeg gyffrous i ymuno â’n tîm gofal cymdeithasol wrth i ni barhau i ail-fodelu’r ffordd rydym yn bodloni anghenion plant ac oedolion ym Mwrdeistref Sirol Pen-y-bont ar Ogwr sydd angen ein cefnogaeth, yn unol â Deddf Gwasanaethau Cymdeithasol a Llesiant (Cymru) 2014 Llywodraeth Cymru - cyfraith a fydd yn rhoi mwy o gyfleoedd i gleientiaid ddweud eu dweud am y gofal a’r gefnogaeth maent yn eu derbyn.
Mae Bwrdeistref Sirol Pen-y-bont ar Ogwr yn lle gwych i weithio.
Gallwch ddisgwyl cyfleoedd gwaith gwych ac amgylchedd dysgu cefnogol. Byddwn yn eich cefnogi i greu gyrfa gyffrous ym maes gofal cymdeithasol, o fewn sefydliad blaengar sy’n datblygu.
Yn ddibynnol ar y rôl, nid oes angen cymwysterau arnoch bob amser, byddwn yn darparu’r hyfforddiant a’r cymwysterau cywir.
Yr hyn sy'n bwysig yw bod â'r gwerthoedd, agwedd ac ymddygiad cywir er mwyn gweithio'n effeithiol gyda phobl sydd angen gofal a chymorth.
Beth am ymuno â'n tîm?
- Datblygiad gyrfa parhaus, cymwysterau a chyfleoedd hyfforddiant achrededig.
- Hyblygrwydd ac opsiynau gweithio hybrid.
- Strwythur rheoli cefnogol.
- Gwneud gwahaniaeth i fywydau pobl


Gofal Cymdeithasol
Mae ein gweithwyr gofal yn helpu pobl sy’n agored i niwed i fyw mor annibynnol â phosibl, o fewn eu cartref neu sefydliadau preswyl eu hunain.

Gwaith Cymdeithasol
Mae ein Gweithwyr Cymdeithasol yn helpu i warchod plant ac oedolion bregus rhag niwed a chamdriniaeth, a chefnogi pobl i fyw’n annibynnol.
Swyddi'r wythnos

Tri enwebai yn cyrraedd rownd derfynol gwobrau ‘Gofal Cymdeithasol Cymru’ - ac mae angen arnynt eich pleidlais chi!
Mae’r rheiny sydd wedi cyrraedd rownd derfynol ‘2025 Accolades’, gwobrau a gynhalia Gofal Cymdeithasol Cymru, wedi eu cyhoeddi ac mae gan Gyfarwyddiaeth Gwasanaethau Cymdeithasol a Llesiant Cyngor Bwrdeistref Sirol Pen-y-bont ar Ogwr mae gennym dri aelod rhagorol sy’n gobeithio am wobr yn y rownd derfynol!
Dewiswyd 11 prosiect a saith unigolyn fel aelodau’r rownd derfynol gan banel o feirniaid ar gyfer gwobrau 2025 ar draws chwe chategori.
Dyma ein haelodau’r rownd derfynol:
- Ffion Cole, Prif Swyddog - Enwebir am Wobr Arweinyddiaeth Ysbrydoledig, noddir gan Practice Solutions
- Casey Baker, Gweithiwr Gofal Cymdeithasol - Enwebir am Wobr Gofalwn Cymru - noddir gan Gofalwn Cymru
- Recriwtio Rhyngwladol am Weithwyr Cymdeithasol Plant - Gwobr datblygu ac ysbrydoli’r gweithlu - Noddir gan BASW Cymru
Dysgwch ragor am y rheiny sydd yn y rownd derfynol.
Cynhelir gwobrau 2025 yng Ngwesty Mercure Cardiff Holland House ar ddydd Iau 1 Mai.
Eleni, bydd enillydd dau gategori yn cael eu dewis gan bleidlais gyhoeddus. Sef:
- Pleidleisiwch dros enillydd y wobr Arweinyddiaeth Ysbrydoledig - Ffion Cole
- Pleidleisiwch dros enillydd y wobr Gofalwn Cymru - Casey Baker
Mae pleidleisio ar agor tan 5pm ar ddydd Llun 31 Mawrth 2025.
Cefnogwch ein staff a thimau gwasanaethau cymdeithasol, ac ewch ati i bleidleisio heddiw!
Mae'n fraint gweithio ochr yn ochr â'r fath gydweithwyr talentog, ymroddedig ac er gwaetha'r heriau rwy'n gwybod y byddwn yn parhau i wneud gwahaniaeth am y gorau ar gyfer pobl a chymunedau Bwrdeistref Pen-y-bont ar Ogwr yn y flwyddyn nesaf yma.

Byw a Gweithio ym Mwrdeistref Sirol Pen-y-bont ar Ogwr
Mae gan Fwrdeistref Sirol Pen-y-bont ar Ogwr gymunedau ffyniannus sy'n byw ac yn gweithio yn nhrefi marchnad prysur Pen-y-bont ar Ogwr a Maesteg a thref glan môr Porthcawl.
Mae pobl yng Nghymru yn adnabyddus am eu natur groesawgar, ac mae’r fwrdeistref sirol yn cynnig cartref i bobl o bob cenedl gyda grwpiau ffydd ar gyfer pob crefydd a siopau bwyd arbenigol i bob diwylliant. Mae ein bwrdeistref sirol yn le gwych i fyw, i weithio, i astudio, i ymweld â hi, neu i symud iddi.
Cysylltwch â ni
Os oes gennych ddiddordeb mewn rôl neu os hoffech fwy o wybodaeth am ymuno â’n tîm, llenwch y ffurflen a byddwn yn cysylltu â chi. - Angen cadarnhau pwy fydd yn ymateb i’r ymholiadau drwy ffurflen.
