Dweud eich dweud: Ymgynghoriad Cyllideb 2026
Ymgynghoriadau
Mae Cyngor Bwrdeistref Sirol Pen-y-bont ar Ogwr wedi ymrwymo i wrando ar farn trigolion ac ymateb iddi. Rydym am greu cyfleoedd i bobl leol gyfrannu at y broses o wneud penderfyniadau.
Rydym yn croesawu ymatebion yn Gymraeg. Mae pob ymgynghoriad ar gael yn Gymraeg drwy ddefnyddio’r botwm Cymraeg.
Mae fformatau amgen hefyd ar gael ar gais.
Ymgynghoriadau cyfredol
Edrychwch ar ein ein hymgynghoriadau cyfredol a lleisiwch eich barn ar-lein.
Mae ein gwefan ymgynghori yn lle i’n cymuned rannu syniadau, trafod pynciau pwysig, rhoi adborth ar bolisi, cynllunio a chyfrannu at ddyfodol ein bwrdeistref sirol.
Panel Dinasyddion
Mae’r Panel Dinasyddion yn cynnwys grŵp o bobl sy’n byw ym Mwrdeistref Sirol Pen-y-bont ar Ogwr ac ymgynghorir yn rheolaidd â hwy am y gwasanaethau sy’n cael eu gweithredu gan y cyngor.
Gall aelodau’r panel dderbyn hyd at dri holiadur y flwyddyn ar ystod o bynciau, gwasanaethau a materion.
Ymgysylltu a Chyfranogiad
Datblygwyd ein Strategaeth Cyfranogiad ac Ymgysylltu i amlinellu'r camau y byddwn yn eu cymryd fel Cyngor i roi'r wybodaeth ddiweddaraf i bobl am ein gwasanaethau.
Rydym eisiau meithrin perthnasoedd yn seiliedig ar ymddiriedaeth o fewn ein cymunedau lleol a gwella pa mor hygyrch ac atebol yr ydym i bobl leol.
Ymgynghoriad Cyllideb
Bob blwyddyn rhaid i Gyngor Bwrdeistref Sirol Pen-y-bont ar Ogwr gytuno ar gyllideb gytbwys i ariannu gwasanaethau hanfodol gan gynnwys ysgolion ac addysg, gofal cymdeithasol, gwastraff ac ailgylchu, priffyrdd, llyfrgelloedd a chymorth i bobl sy'n wynebu digartrefedd. Ar gyfer 2026/27, mae cyllid Llywodraeth Cymru wedi codi 4.6%, sy'n golygu y bydd y Cyngor yn buddsoddi £550m mewn cymunedau lleol ac mae'r bwlch cyllido wedi lleihau, er bod gwasanaethau'n parhau i fod dan bwysau ar ôl blynyddoedd o gyni.
Mae'r gyllideb ddrafft yn cynnig cwrdd â phwysau ariannol o £9.2m, cyflawni arbedion o £2.4m a chynyddu Treth y Cyngor 4.95%, gan amddiffyn y rhai mwyaf agored i niwed a blaenoriaethu gwasanaethau rheng flaen. Bydd ysgolion yn gweld cynnydd net mewn cyllid heb unrhyw dargedau arbedion, ac mae hwb cyllido hwyr wedi gadael rhywfaint o arian heb ei ddyrannu—felly rydym am gael eich adborth ar ble i'w ganolbwyntio.
Dyddiad cau: 27 Ionawr 2026
Arolwg Teithio Llesol a Newid Hinsawdd
Mae teithio llesol yn chwarae rhan hanfodol wrth ddatgarboneiddio trafnidiaeth a lleihau llygredd, ac ar yr un pryd mae’n cynnig ystod o fuddion i iechyd y cyhoedd a'r economi. Cerdded, olwyno a beicio yw'r dewisiadau gorau oll o ran allyriadau isel.
Dyddiad cau: 28 Chwefror 2026
Cymerwch ran Pen-y-bont ar Ogwr
Mae Cymryd Rhan, Pen-y-bont ar Ogwr yn lle i’n cymuned rannu syniadau, trafod pynciau pwysig, cyflwyno adborth ar bolisïau a chynlluniau, a chyfrannu at ddyfodol ein bwrdeistref sirol.
Edrychwch ar ein ein hymgynghoriadau cyfredol a lleisiwch eich barn ar-lein.
Gallwch hefyd weld ymgynghoriadau blaenorol ar-lein:
Mae'r Egwyddorion Cenedlaethol ar gyfer Ymgysylltu â'r Cyhoedd yng Nghymru yn rhoi canllawiau ar gyfer arfer gorau ar ymgysylltu â dinasyddion. Rydym wedi ymrwymo wrth yr egwyddorion, a gymeradwywyd gan Lywodraeth Cymru ym mis Mawrth 2011.
Mae'r Comisiwn Cydraddoldeb a Hawliau Dynol yng Nghymru yn hyrwyddo cydraddoldeb a hawliau dynol i bawb.
Mae'n gweithio i roi terfyn ar wahaniaethu, lleihau anghydraddoldeb, diogelu hawliau dynol a chreu perthnasau da. Y nod yw sicrhau bod pawb yn cael cyfle teg i gymryd rhan yn ein cymdeithas.
Mae gennym ddeddf sy’n ein helpu ni i gyd i gydweithio er mwyn gwella ein hamgylchedd, ein heconomi, ein cymdeithas a’n diwylliant.
Ar gyfer pobl, ar gyfer ein planed. Er mwyn heddiw, ac yfory.
Ei henw yw Deddf Llesiant Cenedlaethau’r Dyfodol.
Lleisiwch eich barn ynglŷn â’r hyn sy’n digwydd yng Nghymru drwy ymgynghoriadau Llywodraeth Cymru.