O 01 Mai i 30 Medi mae cŵn yn cael eu gwahardd oddi ar nifer o draethau ym Mwrdeistref Sirol Pen-y-bont ar Ogwr - Gwahardd cŵn oddi ar draethau
Busnes newydd sy’n canolbwyntio ar iechyd yn agor yng nghanol tref Pen-y-bont ar Ogwr
Dydd Llun 14 Ebrill 2025
Mae busnes ffres a bywiog sy'n cynnig cinio a smwddis iach wedi agor ei ddrysau yng nghanol Bwrdeistref Sirol Pen-y-bont ar Ogwr.
Croesawodd GOODNESS, sydd wedi'i leoli ar Stryd Wyndham, ei gwsmeriaid cyntaf ddydd Gwener 21 Mawrth.
Mae'r fenter annibynnol hon yn dod â bywiogrwydd newydd i ofod masnachol a oedd yn wag cyn hyn, gan gynnig opsiynau bwyd a diod maethlon i'r rhai sy'n gweithio, siopa, neu ymweld â chanol y dref.
Chwaraeodd Tîm Datblygu Economaidd a Menter Cyngor Bwrdeistref Sirol Pen-y-bont ar Ogwr ran sylweddol wrth gefnogi GOODNESS trwy ddarparu Grant Cychwyn Busnes.
Fe wnaethon nhw gynorthwyo'r busnes i ffurfio cysylltiadau ariannol newydd ar gyfer twf a'u helpu i fanteisio ar y Rhyddhad Ardrethi Manwerthu.
"Dwi’n llawn cyffro i ddechrau fy musnes yng nghanol tref Pen-y-bont ar Ogwr. Dwi bob amser wedi bod eisiau creu rhywbeth sy'n hyrwyddo ffordd iach o fyw, a dwi’n gobeithio y bydd GOODNESS yn cynnig dewis arall adfywiol i bobl wrth fynd." "Dwi'n hynod ddiolchgar i'r tîm Datblygu Economaidd yng Nghyngor Bwrdeistref Sirol Pen-y-bont ar Ogwr am fy nghefnogi yn ystod camau cynnar fy nhaith, a dwi'n edrych ymlaen at fasnachu ym Mhen-y-bont ar Ogwr am flynyddoedd lawer i ddod."
Mae agor GOODNESS yn cynrychioli datblygiad cadarnhaol arall i ganol tref Pen-y-bont ar Ogwr, gan fod yr uned a oedd yn wag gynt bellach yn ffynnu gyda gweithgaredd, gan ddenu mwy o ymwelwyr i'r ardal.
"Rwy'n falch iawn o weld busnes newydd mor egnïol yn dod â syniadau newydd ac opsiynau iach i Ben-y-bont ar Ogwr. Mae'n wych gweld entrepreneuriaid lleol yn dewis sefydlu yng nghanol ein tref, a hoffwn ddymuno pob llwyddiant i GOODNESS. Hoffwn hefyd ddiolch i'n tîm Datblygu Economaidd am y cymorth ymarferol y maen nhw’n parhau i'w gynnig i fusnesau newydd ledled y sir."
Mae'r ychwanegiad newydd hwn i Stryd Wyndham yn rhan o gynllun ehangach i adfywio canol tref Pen-y-bont ar Ogwr ac annog menter drwy gefnogi entrepreneuriaid lleol i wireddu eu gweledigaethau.
I’r rhai sy’n ystyried dechrau busnes ym Mhen-y-bont ar Ogwr ac sy’n chwilio am gymorth ac arweiniad, cysylltwch â'r tîm Datblygu Economaidd a Menter yn business@bridgend.gov.uk.