O 01 Mai i 30 Medi mae cŵn yn cael eu gwahardd oddi ar nifer o draethau ym Mwrdeistref Sirol Pen-y-bont ar Ogwr - Gwahardd cŵn oddi ar draethau
Cabinet Cyngor Bwrdeistref Sirol Pen-y-bont ar Ogwr yn cymeradwyo arian i gefnogi prosiectau ym Mhorthcawl a Llangrallo
Dydd Llun 14 Ebrill 2025
Bydd prosiectau lleol ym Mhorthcawl a Llangrallo yn cael eu cefnogi gan Gynllun Grant Cyfalaf Cyngor Tref a Chymuned Cyngor Bwrdeistref Sirol Pen-y-bont ar Ogwr yn dilyn cymeradwyaeth ddiweddar gan y Cabinet.
Ar ôl proses ymgeisio fanwl, dyrennir arian i gynghorau tref a chymuned i gyfrannu tuag at brosiectau allweddol sy'n cyd-fynd â pholisïau trosglwyddo asedau cymunedol a sero net Cyngor Bwrdeistref Sirol Pen-y-bont ar Ogwr.
Yn flaenorol, mae'r gronfa wedi cefnogi amrywiaeth o brosiectau allweddol ledled y fwrdeistref sirol, ac yn rhan o’r ceisiadau llwyddiannus diweddaraf, dyfarnwyd £20,000 i gt aml-gam i wella'r caeau chwarae cymunedol lleol gyda raciau beiciau, offer campfa a biniau newydd.
Dyrannwyd cyfanswm o £20,000 i Gyngor Tref Porthcawl hefyd er mwyn gwella'r adeilad rhestredig a'i gyfleusterau ar John Street.
"Rydym yn cydnabod y rôl bwysig y mae Cynghorau Tref a Chymuned yn ei chwarae wrth helpu i reoli a chynnal cyfleusterau cymunedol hanfodol ac mae'r cynllun grant hwn yn sicrhau bod nifer o brosiectau allweddol yn gallu symud ymlaen. "Mae swyddogion yn gweithio'n agos gydag unrhyw Gyngor Tref neu Gymuned y gallai eu ceisiadau fod wedi'u gwrthod o'r blaen a byddant yn helpu i wneud yn siŵr y gall unrhyw gynigion yn y dyfodol gyd-fynd yn well â'n blaenoriaethau strategol. "Bydd modd gwneud ceisiadau i gefnogi prosiectau’r dyfodol eto’n fuan ac yn dilyn diwygiad gan y Cabinet, bydd y broses yn cael ei haddasu i redeg ar sail dreigl a fydd yn dod â mwy fyth o hyblygrwydd i'r cynllun hanfodol hwn."