Cyrtiau pêl-rwyd a phêl-fasged wedi'u hadnewyddu yn agor ym Maesteg
Dydd Gwener 03 Hydref 2025
Mae dau gwrt pêl-fasged a phêl-rwyd cymunedol wedi'u hadnewyddu wedi ailagor i breswylwyr Maesteg a Caedu fel rhan o brosiect adnewyddu sy’n cael ei reoli gan Gyngor Bwrdeistref Sirol Pen-y-bont ar Ogwr.
Fel rhan o brosiect cydweithredol gyda Chwaraeon Cymru, Pêl-rwyd Cymru a Phêl-fasged Cymru drwy Brosiect Cydweithredu Cyrtiau Chwaraeon Cymru, mae'r cyrtiau cymunedol wedi cael prosiect adnewyddu gwerth £223K gan ddefnyddio £167,250 o gyllid a sicrhawyd drwy Gronfa Gydweithredu Cyrtiau Chwaraeon Cymru a £55,750 drwy Gronfa Trosglwyddo Asedau Cymunedol Cyngor Bwrdeistref Sirol Pen-y-bont ar Ogwr.
Lansiwyd y Cynllun Cydweithredu Cyrtiau yn 2022 fel prosiect cydweithredol gan Chwaraeon Cymru, Pêl-rwyd Cymru, a Phêl-fasged Cymru. Sefydlwyd y cynllun i gynorthwyo i gyflawni nod cyffredin o gynyddu cyfranogiad ac ehangu mynediad at chwaraeon i gymunedau Cymru.
Cynhaliwyd y seremoni ailagor ar ddydd Iau 25 Medi, gydag areithiau gan Arweinydd Cyngor Bwrdeistref Sirol Pen-y-bont ar Ogwr, John Spanswick, Jack Sargeant AoS a Stephen Kinnock AS a seremoni torri’r rhuban, a ddilynwyd gan weithgareddau dan arweiniad Pêl-fasged a Phêl-rwyd Cymru gyda phlant ysgol lleol o Eglwys y Santes Fair ac Ysgol Gynradd Gatholig Sant Padrig.
Rydym wrth ein bodd ein bod wedi gweithio mewn partneriaeth â Chynllun Cydweithredu Cyrtiau Chwaraeon Cymru ac rydym yn falch iawn o gyhoeddi bod y cyrtiau Pêl-fasged a Phêl-rwyd ym Mharc Caedu a Pharc Lles Maesteg bellach ar gael i'r gymuned. Mae'n wych gweld bod y cyrtiau hyn wedi cael eu hadnewyddu ac mae’n hwb arall i fuddsoddiad yn y parc, ar ôl agor y cyrtiau tennis cyfagos yn ddiweddar. Rwy'n hynod ddiolchgar i'r Cynllun Cydweithredu Cyrtiau am ddatblygu hyn ochr yn ochr â ni ac nid oes gennyf unrhyw amheuaeth y bydd y cyrtiau hyn yn boblogaidd gydag oedolion a phlant fel ei gilydd yn y gymuned."
