Casgliadau gwastraff ac ailgylchu Gŵyl y Banc: Ni fydd casgliadau ar Dydd Llun 26 Mai 2025. Bydd y casgliadau’n digwydd ddiwrnod yn hwyrach na’r arfer ar gyfer yr wythnos tan ddydd Sadwrn 31 Mai 2025.
Cysgodfan Fysys newydd y tu allan i Lyfrgell Porthcawl
Dydd Mercher 07 Mai 2025
Bydd teithwyr yn gallu manteisio ar gysgodfan fysys newydd sydd i'w lleoli'n gyfleus y tu allan i Lyfrgell Porthcawl yn Stryd yr Eglwys, Porthcawl.
Bydd y gysgodfan newydd yn cael ei gosod ar 8 Mai gan Bus Shelters Ltd, ychydig fetrau o'r safle bws presennol, lle mae'r llwybr troed yn rhy gul ar gyfer cysgodfan.
Yn y lleoliad arfaethedig, bydd dau bolard yn cael eu tynnu y tu allan i'r llyfrgell er mwyn gallu adeiladu'r gysgodfan newydd oddi ar y prif balmant.
Bydd y gysgodfan yn 3m o hyd a bydd seddi pwyso ynddi, a phaneli clir bob pen i sicrhau cymaint o gysgod â phosib i bobl fydd yn aros am fws.
"Mae hyn yn newyddion da i ddefnyddwyr gwasanaeth bysys. Rydyn ni i gyd yn gwybod mor ddefnyddiol mae cysgodfeydd wrth aros am drafnidiaeth gyhoeddus, yn cynnwys lle i orffwys a lloches rhag yr elfennau, yn enwedig yn lleoliad glan môr Porthcawl. "Ni fydd y fan newydd yn effeithio ar y prif lwybr troed ac mae digon o le yno i fysys symud yn ddiogel wrth gyrraedd a gadael. Edrychwn ymlaen at yr elfen newydd hon o’r system drafnidiaeth gyhoeddus ym Mhorthcawl!"