Bydd Cymru’n pleidleisio ddydd Iau 7 Mai 2026. Ewch i'n tudalen wybodaeth Etholiad y Senedd.
Dros gant o swyddi lleol wedi'u creu gyda chefnogaeth gan y Gronfa Cychwyn Busnes
Dydd Mawrth 21 Ebrill 2026
Mae busnesau newydd a busnesau sy’n tyfu ar draws Bwrdeistref Sirol Pen-y-bont ar Ogwr wedi creu mwy na chant o swyddi dros y flwyddyn ddiwethaf gyda chefnogaeth Cronfa Cychwyn Busnes y cyngor.
Ers mis Ebrill 2025, mae'r gronfa wedi cefnogi entrepreneuriaid lleol i sefydlu ac ehangu eu busnesau, gan arwain at greu dros gant o swyddi ledled y fwrdeistref sirol.
Mae'r Gronfa Cychwyn Busnes yn darparu grantiau cyfalaf o hyd at £4,000, sy'n cwmpasu hyd at 50 y cant o gostau cymwys y prosiect (ac eithrio TAW). Mae'r cyllid yn helpu busnesau newydd i brynu offer ac asedau hanfodol sydd eu hangen i ddechrau arni neu dyfu.
Trwy gefnogi busnesau cyfnod cynnar, nod y cynllun yw annog entrepreneuriaeth, cryfhau'r economi leol a chreu cyfleoedd cyflogaeth newydd i bobl leol.
Mae busnesau a gefnogir gan y gronfa yn gweithredu ar draws ystod o sectorau a lleoliadau ledled Bwrdeistref Sirol Pen-y-bont ar Ogwr. Mae llawer yn helpu i ddod â bywyd newydd i strydoedd mawr lleol, tra bod eraill yn sefydlu eu hunain mewn adeiladau masnachol a diwydiannol.
Un busnes i elwa o'r cynllun yw Copperhouse Films Ltd, a dywedodd James Morgan.
"Rydym yn hynod ddiolchgar ein bod wedi derbyn arian cyfatebol drwy'r Gronfa Cychwyn Busnes gyda chefnogaeth Cyngor Bwrdeistref Sirol Pen-y-bont ar Ogwr. Mae'r cyllid wedi ein galluogi i fuddsoddi mewn offer ar ben ucha’r farchnad a gwella ein galluoedd cynhyrchu, gan wella ansawdd ein gwaith a chaniatáu i ni ymgymryd â phrosiectau mwy o faint, mwy uchelgeisiol. Mae hefyd wedi rhoi'r hyder i ni dyfu'r busnes yn gynaliadwy a chreu cyfleoedd newydd yn y sector diwydiant creadigol lleol."
"Daeth y cyllid ar yr adeg iawn, gan fy mod yn barod i lansio’r deli ac roedd angen i mi fuddsoddi mewn offer cegin hanfodol. Rwy'n hynod ddiolchgar am y gefnogaeth a roddwyd gan Gyngor Bwrdeistref Sirol Pen-y-bont ar Ogwr, nid yn unig drwy'r cyllid ond hefyd drwy gyfleoedd fel masnachu yn y digwyddiad bwyd a diod Maesteg On The Menu. Mae wedi gwneud gwahaniaeth gwirioneddol wrth fy helpu i ddechrau arni."
"Rydym yn falch bod Bwrdeistref Sirol Pen-y-bont ar Ogwr yn rhywle lle gall dyheadau entrepreneuraidd ffynnu. Mae llwyddiant y Gronfa Cymorth Cychwyn Busnes yn dangos beth sy'n bosibl drwy fuddsoddi yn uchelgeisiau ein trigolion – mwy na chant o swyddi newydd wedi'u creu mewn blwyddyn. Mae hyn yn fwy na chronfa; mae'n gatalydd ar gyfer twf, arloesedd a chyfleoedd ar draws ein bwrdeistref sirol. Mae cefnogi entrepreneuriaid lleol yn brif flaenoriaeth i ni – eu galluogi i droi eu syniadau’n fusnesau ffyniannus. Rydyn ni'n adeiladu bwrdeistref sirol gryfach, fwy deinamig a ffyniannus - un busnes ar y tro."
Mae'r Gronfa Dechrau Busnes yn cael ei darparu gan Gyngor Bwrdeistref Sirol Pen-y-bont mewn partneriaeth â UK Steel Enterprise (UKSE).
Gall unrhyw un sydd â diddordeb mewn dechrau busnes ym Mwrdeistref Sirol Pen-y-bont ar Ogwr neu wneud cais i'r Gronfa Dechrau Busnes ddod o hyd i ragor o wybodaeth ar Wefan y Cyngor neu drwy gysylltu â'r tîm Datblygu Economaidd a Menter.
