Gofod Dros Dro yn agor ei ddrysau ym Marchnad Maesteg

Dydd Mercher 14 Mai 2025

Mae gofod dros dro newydd sbon wedi agor yn swyddogol ym Marchnad Maesteg, fel rhan o gyfle creadigol gan Dîm Datblygu Economaidd a Menter Cyngor Bwrdeistref Sirol Pen-y-bont ar Ogwr.

Bydd y gofod dros dro yn Uned 14 Marchnad Maesteg, o'r enw "For a Limited Time Only...?" yn rhoi cyfle unigryw i fusnesau ac unigolion roi eu syniadau busnes ar brawf mewn lleoliad blaenllaw, risg isel heb unrhyw gost iddynt.

Pink Freak Boutique, busnes ym Mhen-y-bont ar Ogwr, yw'r busnes cyntaf i fanteisio ar y gofod dros dro i arddangos ei gynhyrchion. Mae'r bwtîc yn darparu offer colur ac ategolion amgen a bydd yn yr uned tan ddydd Sadwrn 31 Mai.

Mae’r cyfle i weithredu yn y gofod dros dro hwn wedi rhoi hwb enfawr i'm busnes. Dw i wedi cael cynifer o sylwadau hyfryd gan gwsmeriaid ac mae’r cyfle i redeg lle ffisegol trwy'r fenter hon i gyrraedd mwy o bobl yn wych. Mae'r cymorth dw i wedi'i gael gan y cyngor wedi bod yn anhygoel a byddwn yn annog unrhyw bobl greadigol i gofrestru ar gyfer y gofod.
Athina Konstantinou, artist colur a pherchennog Pink Freak Boutique
(CH-D) Cynghorydd Neelo Farr, Aelod Cabinet dros Adfywio, Datblygu Economaidd a Thai, Cynghorydd Paul Davis, Athina Konstantinou, perchennog Pink Freak Boutique a Cynhgorydd Martin Hughes, a'r yn uned dros dro Marchnad Maesteg.
(CH-D) Cynghorydd Neelo Farr, Aelod Cabinet dros Adfywio, Datblygu Economaidd a Thai, Cynghorydd Paul Davis, Athina Konstantinou, perchennog Pink Freak Boutique a Cynhgorydd Martin Hughes, a'r yn uned dros dro Marchnad Maesteg.

Dywedodd y Cynghorydd Neelo Farr, Aelod Cabinet dros Adfywio, Datblygu Economaidd a Thai, "Dw i’n falch iawn o weld y gofod dros dro hwn yn agor ym Marchnad Maesteg. Mae hyn yn gyfle gwych i fusnesau ac unigolion roi cynnig ar eu syniadau a byddan nhw’n cael eu cefnogi'n llawn gan Dîm Datblygu Economaidd a Menter y cyngor. Dw i'n edrych ymlaen at weld yr holl fusnesau gwahanol fydd yn gweithredu yn y gofod hwn dros y misoedd nesaf."

Bydd yr uned dros dro yn rhedeg am gyfnod o chwe mis, gyda phob busnes a fydd yn rhedeg y gofod dros dro yn dod â rhywbeth newydd a chyffrous i gymuned Maesteg.

I ddarllen mwy am y masnachwyr sydd ar ddod, ewch i dudalen swyddogol yr uned dros dro ar ein gwefan.

Mae'r prosiect hwn yn cael ei ariannu gan Lywodraeth y DU drwy Gronfa Ffyniant Gyffredin y DU.

Chwilio A i Y