Casgliadau gwastraff ac ailgylchu Gŵyl y Banc: Ni fydd casgliadau ar Dydd Llun 05 Mai 2025. Bydd y casgliadau’n digwydd ddiwrnod yn hwyrach na’r arfer ar gyfer yr wythnos tan ddydd Sadwrn 10 Mai 2025.
Hen ystâd ddiwydiannol yn y cwm wedi'i pharatoi ar gyfer tai newydd, siopau a mwy
Dydd Mercher 07 Mai 2025
Gan ddefnyddio arian Prifddinas-Ranbarth Caerdydd, mae Cyngor Bwrdeistref Sirol Pen-y-bont ar Ogwr a Clowes Developments yn gweithio gyda'i gilydd i gael gwared ar seilwaith segur o'r safle adfeiliedig, sicrhau bod siafftiau mwyngloddio a chwlferi blaenorol yn cael eu llenwi, ac y gellir dargyfeirio pibellau a cheblau nas defnyddir.
Gyda chaniatâd cynllunio eisoes wedi’i roi, bydd y gwaith hwn yn gwneud y safle yn barod i ddatblygwr wneud gwaith tirlunio ac adeiladu newydd a fydd yn cynnwys hyd at 200 o gartrefi newydd, man agored cyhoeddus newydd, unedau manwerthu newydd, a hwb menter a chyflogadwyedd newydd.
Bydd rhan o'r safle cyffredinol hefyd yn cael ei ddefnyddio gan Gyngor Bwrdeistref Sirol Pen-y-bont ar Ogwr i ddatblygu cyfleoedd cyflogaeth newydd a chyfnewidfa drafnidiaeth a fydd yn sicrhau bod pobl yn gallu teithio allan o'r cwm at ddibenion gwaith a hyfforddiant ychwanegol.
"Mae'r prosiect uchelgeisiol hwn yn rhan o'n Cynllun Datblygu Lleol ac mae wedi'i gynllunio'n ofalus i sicrhau ei fod yn diwallu anghenion tai, cyflogaeth a thrafnidiaeth lleol. "Unwaith y bydd Clowes wedi cwblhau'r gwaith tir, byddant wedi trawsnewid yr hen ystâd ddiwydiannol hon yn ein safle tir llwyd mwyaf yn y cymoedd lleol gyda mwy nag 16 erw ar gael i'w ailddatblygu. "Ar yr un pryd, mae'r Cyngor yn cadw tair erw ychwanegol fel y gallwn ddatblygu cyfleoedd cyflogaeth newydd a chyfnewidfa drafnidiaeth fodern.
"Rydym yn hynod falch bod y prosiect adfywio mawr hwn wedi dechrau o'r diwedd a fydd yn dod â chartrefi ac amwynderau newydd mawr eu hangen i'r ardal. "Mae wedi bod yn braf gweithio gyda Phrifddinas-Ranbarth Caerdydd a Chyngor Bwrdeistref Sirol Pen-y-bont ar Ogwr, sydd wedi canolbwyntio gymaint ar gyflawni'r prosiect." Llun: Bydd safle 16 erw'r hen ystâd ddiwydiannol yn cael ei adfywio a'i drawsnewid gyda siopau, cartrefi a chyfleusterau cymunedol newydd.