Mae'r Cyngor yn annog trigolion i 'siopa'n lleol' a chefnogi busnesau annibynnol a digwyddiadau yn y cyfnod cyn yr ŵyl.

Mae ymgyrch flynyddol y Cyngor 'Treuliwch y Nadolig yng nghanol eich tref' wedi lansio yr wythnos hon, gan ddod â hyrwyddiadau siopa tymhorol cyffrous a chalendr llawn o hwyl Nadoligaidd i'r teulu cyfan.

Yn cynnwys digwyddiadau Cynnau Goleuadau Nadolig a Gorymdeithiau poblogaidd a drefnir gan Gynghorau Tref Pen-y-bont ar Ogwr, Maesteg a Phorthcawl, bydd yr ymgyrch yn hyrwyddo awyrgylch Nadoligaidd cynnes a chroesawgar i ymwelwyr drwy gydol y tymor - Digwyddiadau yng nghanol y dref.

Gall siopwyr Nadolig ddod o hyd i anrhegion perffaith a chefnogi busnesau lleol, gyda marchnadoedd Nadolig, siopau annibynnol, a masnachwyr yn cynnig nwyddau wedi'u gwneud â llaw a chynnyrch tymhorol.  Yn ogystal, bydd gwefan ‘Nadolig Pen-y-bont ar Ogwr’ unwaith eto’n darparu cynigion a hyrwyddiadau unigryw, sy'n hawdd eu cyrraedd drwy'r apiau 'We Love BRIDGEND / MAESTEG / PORTHCAWL', sydd ar gael i'w lawrlwytho ar App Store Apple a Google Play drwy chwilio am y termau ‘BRIDGEND / PORTHCAWL / MAESTEG’.

Mae bwytai, caffis a bariau hefyd yn ymuno â'r dathliadau Nadoligaidd, gan gynnig bwydlenni Nadolig, coctels tymhorol, a phrofiadau bwyta arbennig - gan wneud Bwrdeistref Sirol Pen-y-bont ar Ogwr yn gyrchfan gwych ar gyfer partïon a dathliadau’r Nadolig. 

Gall ymwelwyr hefyd fanteisio ar gynllun parcio am ddim presennol y Cyngor yng nghanol trefi Pen-y-bont ar Ogwr, Maesteg a Phorthcawl.

• Y Rhiw, Pen-y-bont ar Ogwr (y tair awr gyntaf)
• Maes parcio John Street, Porthcawl (rhwng 12pm a 3pm)
• Heol Llynfi, Maesteg (drwy'r flwyddyn)

Gall pobl sy'n ymweld â chanol tref Pen-y-bont ar Ogwr ar ôl 6pm hefyd barcio am ddim yn y maes parcio awyr agored mawr yn Brackla Street (y tu ôl i Wilkinson's) a’r meysydd parcio yn Tremains Road, Tondu Road ac yng Nghanolfan Bywyd Pen-y-bont ar Ogwr - Meysydd parcio.