Uwchraddio peiriannau tocynnau parcio ar draws Bwrdeistref Sirol Pen-y-bont ar Ogwr
Dydd Mercher 02 Medi 2026
Disgwylir i'r gwaith i uwchraddio peiriannau tocynnau parcio mewn pum maes parcio a weithredir gan y cyngor ar draws Bwrdeistref Sirol Pen-y-bont ar Ogwr ddechrau ym mis Medi.
Bydd y gwaith yn digwydd i ddechrau mewn meysydd parcio ym Mhen-y-bont ar Ogwr ar 15 Medi cyn symud i Borthcawl a Rest Bay o 22 Medi. Disgwylir i bob lleoliad gymryd tua dau i dri diwrnod i'w gwblhau.
Bydd y gwelliannau yn gwneud y peiriannau yn haws i'w defnyddio ac yn fwy hygyrch i breswylwyr ac ymwelwyr, tra hefyd yn bodloni gofynion diweddaraf y Ddeddf Gwahaniaethu ar sail Anabledd trwy gael eu gosod mewn lleoliadau ac uchder hygyrch yn y meysydd parcio.
Er nad oes disgwyl unrhyw aflonyddwch mawr, efallai na fydd rhai peiriannau ar gael dros dro tra bod y gwaith yn digwydd. Bydd PayByPhone yn parhau i fod ar gael, a gall modurwyr ddefnyddio'r ap neu ffonio PayByPhone yn uniongyrchol i dalu am barcio.
Mae'r rhaglen yn cynnwys meysydd parcio yn:
• Neuadd Fowlio, Pen-y-bont ar Ogwr
• Maes Parcio Pwll Canolfan Bywyd Pen-y-bont ar Ogwr (Maes parcio yn y cefn)
• Heol Tondu, Pen-y-bont ar Ogwr
• Maes Parcio Rest Bay
• Maes Parcio Hillsboro, Porthcawl
"Mae'r gwelliannau newydd hyn yn adlewyrchu ein hymrwymiad i sicrhau bod ein gwasanaethau yn parhau i fod yn gynhwysol ac yn hygyrch i bob preswylydd ac ymwelydd, tra hefyd o fudd i brofiad bob defnyddiwr maes parcio. "Rydym yn gweithio gyda'r peirianwyr i leihau unrhyw aflonyddwch yn ystod y gwaith, a hoffem ddiolch i breswylwyr ac ymwelwyr am eu cydweithrediad."
