O 01 Mai i 30 Medi mae cŵn yn cael eu gwahardd oddi ar nifer o draethau ym Mwrdeistref Sirol Pen-y-bont ar Ogwr - Gwahardd cŵn oddi ar draethau
Byddwn yn rhoi i hawlwyr bythefnos ychwanegol o fudd-dal tai unwaith rydym yn gwybod pryd cawsant eu symud i dderbyn credyd cynhwysol.
Nod taliadau estynedig yw helpu pobl ddi-waith yn y tymor hir sy’n dychwelyd i’r gwaith. Maent yn darparu hyd at bedair wythnos ychwanegol o fudd-dal tai, lwfans tai lleol, neu fudd-dal treth gyngor.
Bydd gennych hawl i daliad estynedig os yw’r canlynol i gyd yn berthnasol:
Fel dewis arall, bydd gennych hawl i daliad estynedig os yw’r canlynol i gyd yn berthnasol:
Rhaid i chi ddweud wrthym o fewn pedair wythnos i ddechrau gweithio neu gynyddu eich oriau os ydych yn teimlo bod gennych hawl i daliad estynedig.
Fel arall, ni fyddwch yn gymwys. Gallwch roi gwybod i ni dros y ffôn neu’n bersonol, ond rydym yn argymell eich bod yn anfon cadarnhad ysgrifenedig wedyn.
Os byddwch yn llwyddiannus, byddwn yn diwygio eich hawliad am fudd-dal. Bydd yn parhau am hyd at bedair wythnos o’r dydd Llun ar ôl i’ch lwfans cynnal incwm, lwfans ceisydd gwaith, budd-dal analluogrwydd neu lwfans anabledd difrifol gael ei stopio.
Byddwch yn cael eich talu ar y gyfradd rydych yn ei derbyn ar hyn o bryd a bydd eich hawliad yn cael ei ganslo ar ôl y cyfnod talu estynedig.
I ddal ati i hawlio budd-dal tai, lwfans tai lleol neu leihad treth gyngor ar ôl y cyfnod talu estynedig, rhaid i chi gwblhau hawliad mewn gwaith newydd. Cewch eich asesu ar sail eich manylion incwm newydd.
Budd-dal wedi’i ôl-ddyddio yw budd-dal tai neu leihad treth gyngor sy’n cael ei dalu am gyfnod sydd wedi bod cyn i ni gael eich ffurflen hawlio.
Rhaid i chi ddangos bod gennych chi reswm da dros beidio â hawlio budd-dal tai, lwfans tai lleol neu leihad treth gyngor ar y pryd. Rhaid i’r rheswm dros beidio â hawlio fod wedi para am y cyfnod llawn rydych chi eisiau i ni ôl-ddyddio eich hawliad ar ei gyfer.
Efallai bod un neu fwy o resymau pam nad oedd posib i chi hawlio. Dyma rai:
Gallai rhesymau fel y rhain eich helpu chi i gael budd-dal wedi’i ôl-ddyddio. Er hynny, rhaid i ni edrych ar bob hawliad ar sail ei gynnwys penodol ac ystyried popeth.
Rhaid i’ch cais fod yn ysgrifenedig. Rhaid iddo gynnwys cymaint o fanylion â phosib a dylech ddarparu unrhyw dystiolaeth sydd gennych chi i’w gefnogi. Os na chawn ddigon o wybodaeth i benderfynu, efallai y byddwn yn gofyn i chi ddod i mewn i’r swyddfa i weld un o’n swyddogion ni.
Byddwn yn ysgrifennu atoch chi pan fyddwn wedi penderfynu ôl-ddyddio eich hawliad ai peidio. Os byddwn yn ôl-ddyddio eich hawliad, bydd y llythyr yn dweud at pryd rydym yn ôl-ddyddio, faint fyddwch yn ei gael a sut caiff ei dalu. Os na fyddwn yn ôl-ddyddio eich hawliad, bydd y llythyr yn dweud pam a beth allwch chi ei wneud os nad ydych yn hapus gyda’n penderfyniad ni.
