Canllawiau Cynllunio Atodol ar gyfer Rhwymedigaethau Cynllunio a Seilwaith (Drafft)
Mae Canllawiau Cynllunio Atodol (CCA) Drafft ar gyfer Rhwymedigaethau Cynllunio a Seilwaith wedi'u paratoi ar gyfer ymgynghoriad cyhoeddus.
Mae rhwymedigaethau cynllunio yn darparu modd i’r system gynllunio sicrhau buddsoddiad mewn seilwaith a’i ddarparu i gefnogi’r twf strategol a gynlluniwyd ar ei gyfer o fewn y’r Cynllun Datblygu Lleol (CDLl) Newydd a fabwysiadwyd.
Mae hyn yn angenrheidiol i helpu i unioni a/neu liniaru unrhyw effeithiau cynllunio a nodwyd wrth ystyried cais cynllunio, sicrhau ansawdd y datblygiad a gwella ei gyfraniad at ardal benodol.
Mae’r Canllaw Cynllunio Atodol (CCA) hwn yn cefnogi ac yn ehangu ar y polisïau (ond nid yw’n creu polisi newydd), yn y CDLl newydd sy’n berthnasol i rwymedigaethau cynllunio a seilwaith.
Mae hefyd yn cydgrynhoi cyfeiriadau at y gyfres o Ganllawiau Cynllunio Atodol sy’n cynnwys canllawiau cynllunio thematig ar wahanol fathau o rwymedigaeth gynllunio (h.y., Tai Fforddiadwy, Addysg a Hamdden) i gefnogi’r broses o weithredu’r CDLl newydd.
Mae’r CCA hwn yn darparu canllawiau penodol ar:
- Ble, beth, pryd a sut y ceisir rhwymedigaethau cynllunio i liniaru effaith datblygiad ac i alluogi cymunedau cynaliadwy i gael eu creu.
- Sut y bydd dull cyson yn cael ei ddilyn i bennu’r gofynion ar gyfer rhwymedigaethau cynllunio gan gydnabod y bydd pob cais yn cael ei ystyried yn ôl ei rinweddau ei hun.
- Defnyddio amodau cynllunio (yn y lle cyntaf) a/neu rwymedigaethau cynllunio
- Sut y bydd cytundebau cyfreithiol yn cael eu drafftio, eu negodi, eu cyhoeddi, eu cwblhau a’u monitro.
Mae canllaw atodol annhechnegol wedi’i gynhyrchu ochr yn ochr â’r Canllawiau Cynllunio Atodol hyn i esbonio sut y gellir a sut na ellir defnyddio cyfraniadau cynllunio.
Bydd yr ymgynghoriad cyhoeddus yn cael ei gynnal am 6 wythnos rhwng 29/09/2026 a 10/11/2026.
Consultation documents
The consultation documents can be viewed below.
Gellir gweld ffurflen sylwadau isod hefyd, a'i chyflwyno drwy:
- lawrlwytho'r ffurflen a'i hanfon drwy e-bost i LDP@bridgend.gov.uk
- ei hargraffu a'i phostio i'r Tîm Polisi Cynllunio Strategol, Cyngor Bwrdeistref Sirol Pen-y-bont ar Ogwr,
Swyddfeydd Dinesig, Stryd yr Angel, Pen-y-bont ar Ogwr, CF31 4WB
Bydd yn rhaid i bob sylw ddod i law erbyn 11:59pm 10/11/2026.
Gellir cael rhagor o wybodaeth am yr ymgynghoriad drwy gysylltu â’r Tîm Polisi Cynllunio Strategol: