Ymgynghoriad ar Canllawiau Cynllunio Atodol Drafft ar Gyfleusterau Addysg a Datblygiadau Preswyl
Mae Canllawiau Cynllunio Atodol (CCA) Drafft ar Gyfleusterau Addysg a Datblygiadau Preswyl wedi'u paratoi ar gyfer ymgynghoriad cyhoeddus.
Bob blwyddyn, bydd Cyngor Bwrdeistref Sirol Pen-y-bont ar Ogwr (CBSP) yn derbyn nifer fawr o geisiadau am ddatblygiadau tai newydd. Mae'r trigolion newydd hyn yn creu galw am leoedd ysgol ac o ganlyniad, gellid bod angen cyfleusterau addysg newydd neu wella'r ddarpariaeth bresennol.
Diben y CCA hyn yw egluro'n fanwl sut y bydd y Cyngor yn darparu cyfleusterau addysg, ac amlinellu sut y bydd y Cyngor, lle bo'n briodol, yn ceisio rhwymedigaethau cynllunio i ddarparu neu wella cyfleusterau addysg ac ysgolion yn rhan o ddatblygiadau preswyl newydd ledled Bwrdeistref Sirol Pen-y-bont ar Ogwr.
Bydd y CCA hyn yn ystyriaeth berthnasol wrth benderfynu ynghylch pob cais cynllunio am datblygiad preswyl, gan gynnwys ceisiadau i adnewyddu caniatâd.
Mae’r CCA yn rhoi arweiniad penodol ar:
- Gofynion addysg ar gyfer datblygiadau preswyl, gan gynnwys trothwyon, y disgyblion a gynhyrchir, darpariaeth anghenion dysgu ychwanegol, darpariaeth cyfrwng Cymraeg, cost fesul lle disgybl, buddsoddi mewn adeiladau ysgol anfoddhaol, ysgolion newydd a'r defnydd a wneir o gyfraniadau
- Sut y cyfrifir cyfraniadau, gan ddarparu enghraifft ymarferol; a
- Gweinyddu polisi drwy'r gwahanol gamau cynllunio, Adran 106, negodi â datblygwyr a sut y gellir ystyried materion sy'n ymwneud â hyfywedd datblygu.
Bydd yr ymgynghoriad cyhoeddus yn cael ei gynnal am 6 wythnos rhwng 17/03/2026 a 28/04/2026.
Dogfennau ymgynghori
Gellir gweld Dogfen Ymgynghori'r CCA drafft isod.
Gellir gweld ffurflen sylwadau isod hefyd, a'i chyflwyno drwy:
- lawrlwytho'r ffurflen a'i hanfon drwy e-bost i LDP@bridgend.gov.uk
- ei hargraffu a'i phostio i'r Tîm Polisi Cynllunio Strategol, Cyngor Bwrdeistref Sirol Pen-y-bont ar Ogwr, Swyddfeydd Dinesig, Stryd yr Angel, Pen-y-bont ar Ogwr, CF31 4WB
Bydd yn rhaid i bob sylw ddod i law erbyn 11:59pm 28/04/2026.
Gellir cael rhagor o wybodaeth am yr ymgynghoriad drwy gysylltu â’r Tîm Polisi Cynllunio Strategol: