Seilwaith Gwyrdd

Mae’r term Seilwaith Gwyrdd (SG) yn disgrifio nodweddion amgylcheddol fel asedau datblygu.

• Ar gyfer deiliaid tai - ystyr SG yw nodweddion fel bocsys adar ac ystlumod, ardaloedd bywyd gwyllt, pyllau, casgenni dŵr a phaneli solar.
• Ar gyfer datblygwyr - mae SG yn adnodd i elwa arno yn y broses ddatblygu, ac mae’n cynnwys cynlluniau draenio trefol, toeau gwyrdd a llwybrau trafnidiaeth cynaliadwy.

Fel arweinydd mewn SG, rydym eisiau helpu deiliaid tai, perchnogion busnesau bychain a datblygwyr i ystyried yr amgylchedd naturiol wrth gynllunio. Mae hyn yn galluogi i’r fwrdeistref sirol elwa o dwf economaidd gan warchod a gwella’r amgylchedd hefyd. 

Mae pawb eisiau byw a gweithio mewn amgylchedd pleserus. Mae gwella eiddo a thir yn hanfodol i hyn yn aml.

Fel mae Cynllun Datblygu Lleol Pen-y-bont ar Ogwr a’n polisïau cynllunio yn dynodi, rydym wedi ymrwymo i wella a gwarchod asedau naturiol Bwrdeistref Sirol Pen-y-bont ar Ogwr. Drwy ystyried yr amgylchedd naturiol yn eich newidiadau arfaethedig, gallwch helpu i wneud Bwrdeistref Sirol Pen-y-bont ar Ogwr yn lle gwyrddach ac iachach.