Goleuadau Stryd

Yng Nghyngor Bwrdeistref Sirol Pen-y-bont ar Ogwr, rydym yn cymryd ein hymrwymiad i gynaliadwyedd a defnydd ynni cyfrifol o ddifrif, nid yn unig oherwydd ein bod yn ymwybodol o sut rydym yn gwario'r cyllid sydd ar gael i ni, ond hefyd yr effaith y mae'n ei chael ar yr hinsawdd a'n hamgylchedd.  

Mae gan y Cyngor raglen pylu goleuadau stryd lle mae goleuadau stryd yn cael eu pylu i 70% o'u hallbwn llawn rhwng hanner nos a 6am. Mae'r mesur hwn yn helpu i leihau'r defnydd o ynni yn ystod oriau traffig isel wrth gynnal goleuadau digonol ar gyfer diogelwch a gwelededd.

Dros y degawd diwethaf, rydym wedi ymgymryd â gwaith i uwchraddio ein seilwaith goleuadau stryd, gan ddisodli goleuadau traddodiadol gydag unedau LED modern. Mae'r goleuadau LED newydd hyn yn cynnwys lensys cyfeiriadol sy'n canolbwyntio golau lle mae ei angen, gan leihau’r golau sy'n cael ei daflu i fyny, a lleihau llygredd golau.

Mae'r rhaglen hon yn cefnogi ein nodau amgylcheddol ehangach trwy wella effeithlonrwydd ynni, lleihau ein hôl troed carbon, a chyfrannu at system goleuadau cyhoeddus sy’n fwy cynaliadwy ac ystyrlon o’r amgylchedd.

Rydym yn parhau i fod yn ymrwymedig i gydbwyso diogelwch, cynaliadwyedd, ac ansawdd ein mannau cyhoeddus trwy atebion goleuadau deallus.