O 01 Mai i 30 Medi mae cŵn yn cael eu gwahardd oddi ar nifer o draethau ym Mwrdeistref Sirol Pen-y-bont ar Ogwr - Gwahardd cŵn oddi ar draethau
Taliadau uniongyrchol
Os oes angen cymorth arnoch i ateb eich anghenion gofal, mae’n bosibl y gallwn roi’r arian i chi wario ar y cymorth sydd ei angen arnoch, yn hytrach na defnyddio gwasanaeth y Cyngor. Taliad uniongyrchol yw hyn.
Gallwch ddefnyddio eich taliad uniongyrchol i drefnu cymorth sy’n addas i chi a’ch ffordd o fyw.
Mae taliadau uniongyrchol yn rhoi mwy o reolaeth i chi dros y cymorth sydd arnoch ei angen. Gallwch wneud penderfyniadau pwysig ynghylch eich gofal a bydd gennych lawer mwy o hyblygrwydd dros eich cymorth na’r hyn y gallwn ni ei drefnu.
Pwy all wneud cais am daliad uniongyrchol?
Gellir cynnig taliadau uniongyrchol i bobl sy’n gymwys i dderbyn gwasanaethau gofal cymdeithasol.
I fod yn gymwys, mae angen i ni wybod y gellir diwallu’ch anghenion yn y modd hwn a’ch bod yn medru rheoli’r taliadau uniongyrchol, naill ai o’ch pen a’ch pastwn eich hun, neu â chymorth sydd ar gael i chi.
Gwneud cais am daliad uniongyrchol
I gael taliad uniongyrchol, mae angen cynnal asesiad o’ch anghenion gofal.
Os ydych eisoes wedi cael asesiad, a’ch bod yn derbyn gwasanaeth, gallwch wneud cais am newid i daliadau uniongyrchol yn lle hynny.
Cysylltwch â’ch gweithiwr cymdeithasol neu â rheolwr gofal i drafod hyn.
Os nad oes gennych weithiwr cymdeithasol na rheolwr gofal, cysylltwch â’r tîm perthnasol o blith y dewisiadau isod:
Ar gyfer oedolion:
Y Ganolfan Rheoli Atgyfeiriadau Integredig
Ffôn:
01656 642279
Cyfeiriad ebost: contactassessmentreviewteam@bridgend.gov.uk
Cyfnewid testun: ABC+447976 972020
Ar gyfer plant 18 oed ac iau:
Desg Ddyletswydd y Tîm Asesu
Ffôn:
01656 642320
Cyfeiriad ebost: assessmentteamduty@bridgend.gov.uk