Cronfa Cymorth i Chwaraeon
Mae cyfleoedd cyllido yn bodoli i helpu i ddatblygu clybiau chwaraeon a gweithgareddau ym Mwrdeistref Sirol Pen-y-bont ar Ogwr.
Nod y Gronfa Cymorth i Chwaraeon yw cryfhau chwaraeon ar lawr gwlad a gwella cyfleoedd gweithgarwch corfforol i bobl o bob oedran a gallu.
Mae'r Gronfa Cymorth i Chwaraeon yn cefnogi prosiectau sy'n helpu mwy o bobl i gymryd rhan mewn chwaraeon a gweithgarwch corfforol, waeth beth fo'u hoedran, eu gallu neu eu cefndir.
Gall cyllid helpu i wella mynediad at gyfleoedd chwaraeon fforddiadwy, cefnogi grwpiau heb gynrychiolaeth ddigonol a datblygu gwirfoddolwyr, hyfforddwyr, swyddogion ac arweinwyr cymunedol.
Gellir defnyddio'r cyllid ar gyfer:
- Cymwysterau hyfforddi, dyfarnu ac arweinyddiaeth.
- Hyfforddi a datblygu gwirfoddolwyr.
- Offer sydd ei angen i sefydlu neu ehangu gweithgareddau.
- Sesiynau blasu a rhaglenni cyfranogi.
- Llogi lleoliad ar gyfer gweithgareddau newydd, am hyd at 10 wythnos
- Offer cynhwysiant anabledd.
- Deunyddiau marchnata a hyrwyddo ar gyfer mentrau cyfranogiad.
- Digwyddiadau chwaraeon cymunedol sydd â'r nod o gynyddu cyfranogiad.
- Costau cychwynnol ar gyfer prosiectau chwaraeon cymunedol newydd.
Pwy all wneud cais
Gallwch wneud cais os ydych chi’n:
- Glwb chwaraeon cyfansoddedig
- Clybiau sy'n gysylltiedig â'r Corff Llywodraethu Cenedlaethol (mae cysylltiad CLlC ar gyfer chwaraeon a gweithgareddau penodol yn ofyniad gorfodol).
- Grŵp cymunedol sy'n darparu cyfleoedd chwaraeon neu weithgarwch corfforol.
- Sefydliadau cymunedol a gwirfoddol.
Rhaid i'ch sefydliad weithredu ym Mwrdeistref Sirol Pen-y-bont ar Ogwr, bod â chyfrif banc yn enw'r sefydliad a bod â chyfansoddiad neu ddogfen lywodraethol.
Rhaid i chi hefyd gael polisïau diogelu, cydraddoldeb ac iechyd a diogelwch priodol lle bo'n berthnasol.
Am faint y gallwch wneud cais amdano?
Gallwch wneud cais am grant o hyd at £1,000.
Gallwch gyflwyno un cais fesul blwyddyn ariannol, yn amodol ar y cyllid sydd ar gael. Gall sefydliadau gyflwyno un cais fesul prosiect.
Rhaid cwblhau prosiectau o fewn 12 mis o dderbyn cyllid.
Cyn i chi wneud cais
Pan fo'ch gweithgareddau yn cynnwys Cyrff Llywodraethu Chwaraeon Cenedlaethol cydnabyddedig, bydd angen i chi ddangos y cysylltiad priodol lle bo angen.
Bydd angen i chi hefyd ddangos:
- Trefniadau diogelu priodol.
- Yswiriant addas
- Cydymffurfiaeth â deddfwriaeth cydraddoldeb a chynhwysiant.
- Trefniadau rheoli ariannol priodol.
Os bydd eich cais yn llwyddiannus
Bydd angen i chi ddarparu:
- Adroddiad diwedd prosiect cryno
- Tystiolaeth o wariant.
- Nifer y cyfranogwyr.
- Astudiaethau achos, ffotograffau neu dystebau, lle bo hynny ar gael.
Gall peidio â darparu'r wybodaeth hon effeithio ar geisiadau yn y dyfodol.
Sut mae’r ceisiadau’n cael eu hasesu?
Mae ceisiadau'n cael eu hasesu gan y Panel Cymorth i Chwaraeon.
Mae penderfyniad y panel yn derfynol ac mae'r holl ddyfarniadau yn amodol ar y cyllid sydd ar gael.
Gwneud cais am y Gronfa Cymorth i Chwaraeon
Bydd y wybodaeth a ddarperir yn cael ei defnyddio gan Gyngor Bwrdeistref Sirol Pen-y-Bont ar Ogwr i weinyddu'r Gronfa Cymorth i Chwaraeon a gellir ei rhannu â phartneriaid cyllido at ddibenion asesu a monitro.