Ar hyn o bryd, rydym yn derbyn nifer fawr o alwadau ynglŷn â dyddiadau casglu gwastraff yr ardd. Nodwch y bydd gwastraff eich gardd yn cael ei gasglu ar yr un diwrnod â’ch casgliad sbwriel. Bydd Plan B yn cysylltu’n uniongyrchol ag unrhyw gwsmeriaid nad yw eu casgliadau gwastraff yr ardd yn cael eu casglu ar yr un diwrnod â’u casgliadau sbwriel.
Gwarchodfeydd Natur
Gwarchodfeydd natur y gallwch ymweld â nhw ym Mwrdeistref Sirol Pen-y-bont.
Mae’r cyngor yn rheoli’r pedair gwarchodfa natur ganlynol yn y fwrdeistref sirol: Parc Bedford, Craig y Parcau, Frog Pond Wood, Comin Lock a Choed Tremains.
Parc Bedford
Mae gan y Parc yma ryw 18 hectar o ofod gwyrdd a gweddillion Gwaith Haearn Cefn Cribwr o’r 18fed Ganrif. Mae gan y Safle o Ddiddordeb ar gyfer Cadwraeth Natur gymysgedd o gynefinoedd.
Craig y Parcau
Yn fwy na thri phwynt dau hectar, coetir derw ac onnen yw Craig-y-Parcau, ar lethr serth o’r Afon Ogwr. Mae’n hafan i fywyd gwyllt, gyda nifer o lwybrau cerdded.
Frog Pond Wood
Mae’r coed yn goetir derw/ynn cymysg yn bennaf, gyda phwll a rhywfaint o ardaloedd o dir gwlyb.
Comin Locks
Mae Comin Locks yn dechrau lle oedd promenâd gwreiddiol Porthcawl yn dod i ben ac mae’n ymestyn i draeth Rest Bay. Mae’r warchodfa amrywiol hon yn gartref i amrywiaeth enfawr o adar, glöynnod byw a blodau gwyllt.
Coed Tremaen
Mae Coed Tremaen yn goetir llydanddail cymysg tir isel yng nghanol Bracla. Mae arwyddbyst ar y llwybrau gyda ‘saethau robin goch’ a chyfres o banelau gwybodaeth i’ch helpu chi i adnabod y rhywogaethau o goed, blodau a bywyd gwyllt.
Parciau a gerddi
Mae parciau a gerddi a gynhelir gan y cyngor yn cynnwys:
- Aberfields/Planka
- Parc Lles Maesteg
- Parc Calon Lan
- Wilderness Lakes
Gallwch weld mapiau parc a chyfres o deithiau cerdded byr, ysgafn a hawdd i'w dilyn ar ein taflen Lles ar Garreg eich Drws:
Gwarchodfa natur a mannau gwyrdd eraill
Mae amrywiaeth o warchodfeydd natur a mannau gwyrdd nad ydynt yn cael eu rheoli gan y cyngor ar draws y fwrdeistref sirol hefyd:
Coetir Ysbryd Llynfi
Dan reolaeth Cyfoeth Naturiol Cymru - Mae’r dirwedd yn cynnwys pyllau, corstiroedd a rhostiroedd ac mae golygfeydd panoramig.
Gwarchodfa Natur Genedlaethol Cynffig
Dan reolaeth Kenfig Corporation Trust - Un o brif warchodfeydd twyni tywod Cymru, gyda phlanhigion fel tegeirian y fign galchog, adar a phryfed sy’n dibynnu ar y cynefin hwn ar gyfer eu goroesiad.
Gwarchodfa Natur Genedlaethol Twyni Merthyr Mawr
Dan reolaeth Cyfoeth Naturiol Cymru - Wedi’i lleoli ar arfordir De Cymru, mae’r warchodfa natur yn gartref i’r twyn talaf yng Nghymru, yn adnabyddus fel y Big Dipper.
Parc Gwledig Bryngarw
Dan reolaeth Awen - Gyda dros 100 erw o ddolydd, gerddi a choetiroedd aeddfed, mae Parc Gwledig Bryngarw yn lle hudolus i’w ymweld.
Parc Slip
Dan reolaeth yr Ymddiriedolaeth Natur - Mae’r warchodfa natur yn gartref i amrywiaeth o gynefinoedd a bywyd gwyllt. Mae’n fan diogel i deuluoedd fwynhau natur, gyda llwybrau di-draffig ar gyfer seiclo a cherdded cŵn.