Bydd Cymru’n pleidleisio ddydd Iau 7 Mai 2026. Ewch i'n tudalen wybodaeth Etholiad y Senedd.
Grantiau cefnogi busnes
Mae ein cynlluniau grant yn cefnogi busnesau newydd a chwmnîau sydd eisoes yn masnachu neu’n buddsoddi yn y Fwrdeistref Sirol.
Mae gan bob cynllun grant feini prawf cymhwysedd penodol. Dylai ymgeiswyr gyfeirio at y canllawiau cynllun grant unigol cyn gwneud cais.
Cyswlltu
Grant Cychwyn Busnes – Ar agor
Dyma gynllun grant hyblyg a ddarperir trwy bartneriaeth gyda UK Steel Enterprise a Chyngor Bwrdeistref Sirol Pen-y-bont ar Ogwr. Mae'n darparu cymorth ariannol i ficrofusnesau newydd neu bresennol sydd wedi'u lleoli, neu'n bwriadu lleoli, ym Mwrdeistref Sirol Pen-y-bont ar Ogwr.
Sylwer: Mae'r holl arian wedi'i ddyrannu ar hyn o bryd; fodd bynnag, os hoffech wneud cais, bydd eich cais yn cael ei roi ar restr yn yr arfaeth pe bai rhagor o arian ar gael.
Cronfa Grant Datblygu Busnes
Bydd y Grant Datblygu Busnes yn cefnogi busnesau bach a chanolig (BBaCh) ym Mwrdeistref Sirol Pen-y-bont ar Ogwr i arallgyfeirio, datgarboneiddio a thyfu, a fydd yn cyfrannu at greu economi leol fywiog a chryf.
Ardaloedd a gynhwysir:
Bwrdeistref sirol gyfan
Cyfradd y Grant:
Yn darparu hyd at 50% o gostau prosiectau cyfalaf cymwys. Y grant lleiaf ar gael yw £5,000 a'r grant mwyaf ar gael yw £25,000 (ac eithrio TAW). Felly, uchafswm cost y prosiect yw £50,000 (ac eithrio TAW).
Mae allbynnau a chanlyniadau penodol y mae angen eu cyflawni gan brosiectau Cronfa Ffyniant a Rennir y DU a bydd yr allbynnau a’r canlyniadau hyn yn cael eu monitro a’u hadrodd.
Mae’r Grant Datblygu Busnes a’r Grant Dichonoldeb Busnes yn cael eu hariannu gan lywodraeth y DU drwy Gronfa Ffyniant Gyffredin y DU.
Grantiau Adfywio Strategol
Mae ein grantiau presennol yn cefnogi gwelliannau i eiddo masnachol a fydd yn adfywio ac yn gwella canol trefi (Pen-y-bont ar Ogwr, Porthcawl a Maesteg) a chanolfannau’r ardal a’r canolfannau gwasanaethau lleol yng nghymoedd Llynfi, Garw ac Ogwr.