O 01 Mai i 30 Medi mae cŵn yn cael eu gwahardd oddi ar nifer o draethau ym Mwrdeistref Sirol Pen-y-bont ar Ogwr - Gwahardd cŵn oddi ar draethau
Hysbysiadau digwyddiad dros dro
Mae Hysbysiad Digwyddiad Dros Dro yn rhoi hawl i safle/clwb gyflenwi alcohol, adloniant rheoledig a lluniaeth hwyrnos dros dro.
Gwneud cais
I wneud cais, llenwch y ffurflen gais ar-lein:
Fel arall, gwnewch gais am hysbysiad digwyddiad dros dro all-lein:
- Cwblhau a chyflwyno’r Hysbysiad Digwyddiad Dros Dro yn ddeublyg i’r Adran Trwyddedu o leiaf 10 diwrnod gwaith cyn y digwyddiad.
- Talu’r ffi.
- Cyflwyno copi o’r Hysbysiad Digwyddiad Dros Dro i Brif Swyddog yr Heddlu ac i Adran Gwarchod y Cyhoedd y Cyngor ar yr un pryd.
Nodwch: Gall yr Heddlu ac Adran Diogelu'r Cyhoedd wrthwynebu Hysbysiad Digwyddiad Dros Dro dan yr amcanion trwyddedu. Hefyd, nid yw penwythnosau a gwyliau'r banc, dyddiad y digwyddiad a dyddiad mae'r hysbysiad yn cael ei gyflwyno yn cael eu hystyried yn ddyddiau gwaith.
Y cyfeiriadau ar gyfer cyflwyno copïau o’r hysbysiad yw:
Cyfeiriad: Yr Uwch-arolygydd (Trwyddedu), Heddlu De Cymru, Ffordd y Frenhines, Stad Ddiwydiannol Pen-y-bont ar Ogwr, CF31 3UT.
Cyfeiriad: Adran Gwarchod y Cyhoedd, Cyngor Bwrdeistref Sirol Pen-y-bont ar Ogwr, Swyddfeydd Dinesig, Angel Street, Pen-y-bont ar Ogwr, CF31 4WB.
Bydd yr Hysbysiad Digwyddiad Dros Dro yn cael ei gydnabod gan yr Adran Trwyddedu cyn ei ddychwelyd i ddefnyddiwr y safle.
Mae gwahanol gyfyngiadau’n weithredol. Gallwch fwrw golwg ar brif gyfyngiadau’r Hysbysiadau Digwyddiad Dros Dro yma.
Gallwch gael mwy o wybodaeth am yr eithriadau o ran cyflwyno Hysbysiadau Digwyddiad Dros Dro ar wefan Llywodraeth y DU.
I ddarllen canllawiau mwy manwl, gweler y Ffurflen Hysbysiad Dros Dro. Mae nodiadau ar gefn y ffurflen a bydd rhaid i’r unigolyn sy’n cyflwyno’r hysbysiad ddarllen y nodiadau hyn cyn y gellir cwblhau’r cais.