O 01 Mai i 30 Medi mae cŵn yn cael eu gwahardd oddi ar nifer o draethau ym Mwrdeistref Sirol Pen-y-bont ar Ogwr - Gwahardd cŵn oddi ar draethau
O 20 Chwefror 2025 ni fyddwn yn darparu gwasanaeth chwilio pridiannau tir lleol mwyach. Ar ôl y dyddiad hwn, bydd ein Cofrestr Pridiannau Tir Lleol wedi mudo i gofrestr genedlaethol Cofrestrfa Tir EF.
Bydd modd ichi gael mynediad i’r gwasanaeth digidol newydd drwy’r Porth Cofrestrfa Tir EF, Business Gateway ac ar dudalennau Cofrestrfa Tir EF gov.uk.
Bydd Cyngor Bwrdeistref Sirol Pen-y-bont ar Ogwr yn parhau i ddarparu atebion i ymholiadau Con29 – Am ragor o wybodaeth, ewch i Gofrestrfa Tir EF.
Mae pridiannau tir yn rhwymedigaeth ar berchennog presennol y tir, neu’r perchennog yn y dyfodol, i gydymffurfio â phridiant. Gall y rhain fod fel a ganlyn:
Mae pob pridiant tir yn cynnwys ei rwymedigaethau ei hun ac mae’n bwysig bod yn ymwybodol o unrhyw rai sy’n effeithio ar yr eiddo rydych yn ystyried ei brynu.
Mae chwiliad Awdurdod lleol yn cynnwys dwy ran a Ffurflen Opsiynol am ymholiadau pellach:
Dylech dderbyn canlyniadau’r chwiliad o fewn 15 diwrnod gwaith. Nid ydym yn cynnal chwiliadau’n gyflymach na hynny. Bydd y chwiliadau sy’n cyrraedd ein swyddfeydd yn gynt yn cael eu prosesu’n gynt.
Os na fyddwch wedi derbyn canlyniadau eich chwiliad ar ôl 15 diwrnod gwaith, cysylltwch â ni gan ddefnyddio’r manylion cysylltu ar waelod y dudalen hon.
Y terfyn ar gyfer derbyn chwiliadau newydd bob dydd yw 10.30am. Os byddwn yn derbyn eich cais am chwiliad ar ôl yr amser hwn, byddwn yn dechrau ei brosesu y diwrnod gwaith canlynol.
Gellir cyflwyno’r ffurflenni hyn gyda’i gilydd neu ar wahân. Er enghraifft, os mai dim ond un cwestiwn rydych eisiau ateb iddo ar CON29O, does dim angen cyflwyno chwiliad llawn. Rydym angen cynllun yr un fath.
Os oes unrhyw beth arall rydych eisiau ei wybod am y tir sydd heb ei ddatgelu’n safonol, cewch ofyn eich cwestiynau ychwanegol eich hun.
Mae CON29 yn rhestr o gwestiynau sy’n cael eu hateb gan adrannau amrywiol yn y cyngor a’r awdurdod priffyrdd.
Mae manylion am yr holl gwestiynau ar gael ar dudalen 2 ffurflen CON29.
Mae nodiadau cyfarwyddyd ar y ffurflen CON29 ar gael ar wefan Cymdeithas y Gyfraith.
Hysbysiad preifatrwydd: Byddwn yn defnyddio’r wybodaeth rydych yn ei rhoi ar y ffurflen hon i brosesu eich cais am Chwiliad Awdurdod Lleol (CON29). Byddwn yn rhannu’r wybodaeth hon gyda’r adrannau Rheolaeth Adeiladu, Gwasanaethau Amgylcheddol a Gwarchod y Cyhoedd. Byddwn yn cadw’r wybodaeth hon am 12 mlynedd.
Ceir hefyd restr o gwestiynau dewisol o’r enw CON29O.
Mae manylion am y cwestiynau hyn ar gael ar dudalen 2 ffurflen CON29O.
Mae nodiadau cyfarwyddyd ar y ffurflen CON29 ar gael ar wefan Cymdeithas y Gyfraith.
Hysbysiad preifatrwydd: Byddwn yn defnyddio’r wybodaeth rydych yn ei rhoi ar y ffurflen hon i brosesu eich cais am Chwiliad Awdurdod Lleol (CON29O). Byddwn yn rhannu’r wybodaeth hon gyda’r adrannau Gwasanaethau Amgylcheddol a Gwarchod y Cyhoedd. Byddwn yn cadw’r wybodaeth hon am 12 mlynedd.
Cymerir taliad am unrhyw chwiliad sydd wedi’i gyflwyno i’r tîm Pridiannau Tir Lleol.
Os ydych yn dymuno canslo’r chwiliad ar ôl dechrau ei brosesu, bydd ffi ganslo’n berthnasol.
Gallwch edrych ar y rhan fwyaf o’r cofrestri cyhoeddus statudol a’r Cofrestri o Dir Comin Lleol a Lawntiau Trefi a Phentrefi drwy drefnu apwyntiad. I wneud apwyntiad, cysylltwch â ni gan ddefnyddio’r manylion ar waelod y dudalen hon.
Nid ydym yn codi unrhyw ffioedd am yr wybodaeth a ddarperir fel rhan o chwiliad personol.
Os oes arnoch angen unrhyw wybodaeth nad yw ar gael ar unwaith o’n derbynfa cynllunio, anfonwch gynllun a chyfeiriad/disgrifiad o’r tir atom ni. Bydd yr adrannau sydd â’r wybodaeth yn eich ateb chi’n uniongyrchol.
Bydd angen ichi gysylltu â’r tîm Hawliau Tramwy Cyhoeddus ar gyfer y gofrestr Hawliau Tramwy Cyhoeddus.
Mae ffi o £18.70 y ddogfen.
Os oes angen copïau o unrhyw ddogfennau pridiannau tir arnoch cysylltwch â ni:
