Os na thalwch erbyn y dyddiad terfynol, byddwn yn cyhoeddi nodyn atgoffa.
Rhaid i chi dalu'r swm hwyr ar y nodyn atgoffa o fewn 14 diwrnod neu byddwch yn cael hysbysiad terfynol.
Os ydym yn cyhoeddi hysbysiad terfynol, rhaid i chi dalu'r swm hwyr yn llawn o fewn 21 diwrnod. Os na fyddwch yn talu'n llawn, byddwn yn cyhoeddi gwŷs a chodir tâl am gostau.
Wedyn, os na wneir taliad yn llawn gyda chostau’r wŷs, byddwn yn gwneud cais am Orchymyn Atebolrwydd mewn gwrandawiad yn y llys ynadon. Ni fydd angen i chi fod yn bresennol yn y gwrandawiad. Wedyn, byddwch yn derbyn llythyr yn rhoi gwybod i chi bod Gorchymyn Atebolrwydd wedi’i sicrhau.
Os na fyddwch yn talu’r swm yn llawn neu’n cysylltu â’r swyddfa dreth o fewn y 14 diwrnod canlynol, byddwn yn defnyddio asiantaeth orfodi. Wedyn byddwch yn mynd i gostau pellach am bob Gorchymyn Atebolrwydd gaiff ei anfon, yn unol â’r amserlen isod.
| Cam y ffi | Ffi sefydlog | Canran ffioedd £0 i £1,900 |
Canran ffioedd ˃£1,900 |
|---|---|---|---|
| Cam gweinyddu/cydymffurfio (gweithredol pan fydd cwmni gorfodi’n derbyn cyfarwyddyd) | £79 | 0% | 0% |
| Cam gorfodi (gweithredol pan mae asiantaeth gorfodi’n ymweld am y tro cyntaf) | £247 | 0% | 7.5% |
| Gwerthu (gweithredol yn ystod yr ymweliad cyntaf at ddiben cludo nwyddau i’w gwerthu) | £116 | 0% | 7.5% |
Deddf Tribiwnlysoedd, Llysoedd a Gorfodaeth 2007 – Rheoliadau Cymryd Rheolaeth dros Nwyddau (Diwygiadau Amrywiol) 2026 yn gosod y ffioedd uchod. Felly, nid ydynt yn agored i drafodaeth.
Os cewch unrhyw anawsterau gyda gwneud taliadau, cysylltwch â ni ar unwaith i drafod y sefyllfa, gan ddefnyddio’r manylion isod.
