Mae Cymorth Ieuenctid Pen-y-bont ar Ogwr yn cynnig gweithgareddau AM DDIM i bobl 11 oed a hŷn drwy gydol y gwyliau - Rhaglen yr Haf
Cewch ddefnyddio ein gwasanaeth casglu gwastraff swmpus i gael gwared ar eitemau cartref mawr.
Cyn trefnu i’ch eitemau gael eu casglu, meddyliwch a oes modd eu hailddefnyddio. Efallai y bydd y siopau hyn yn casglu’r eitemau nad ydych eu heisiau: Sefydliad Prydeinig y Galon neu Emmaus.
Bydd angen i ni asesu’r eitemau canlynol:
Os oes gennych unrhyw rai o’r eitemau hyn, gallwch fynd â nhw i’n canolfannau ailgylchu cymunedol. Os oes angen i chi ddefnyddio fan neu drelar i gludo’r gwastraff, bydd angen i chi archebu trwydded dipio.
Os nad ydych yn gallu mynd â’r eitemau hyn i’r safle ailgylchu eich hun, bydd angen i chi logi sgip neu gontractwr gwastraff preifat.
Mae’r gwasanaeth yn costio £35 am hyd at dair eitem.
Gall eitemau ychwanegol gael eu casglu am £6.57 yr un, hyd at uchafswm o 15 eitem.
Gallwch archebu casgliad gwastraff swmpus dro ar ôl tro.
Gallwch archebu casgliad gwastraff swmpus ar-lein. Nodwch eich cod post ac yna dewiswch ‘cais casglu gwastraff swmpus'.
Bydd Plan B yn cysylltu â chi drwy e-bost/ffôn i roi gwybod i chi am eich diwrnod casglu, peidiwch â chyflwyno'ch gwastraff nes eich bod wedi cael gwybod am eich casgliadau.
Nid yw’r gwasanaeth casglu gwastraff swmpus ar gael i fusnesau neu landlordiaid, gan mai gwastraff masnachol yw hyn.
Rydyn ni'n gweithio gydag Anglo Doorstep Collections i gynnig casgliadau am ddim ar stepen drws ar gyfer eich eitemau annwyl.
Bydd eich eitemau'n cael eu hailgartrefu a'u hailddefnyddio – gan helpu'r amgylchedd a chefnogi elusen o'ch dewis.
Rhowch eich dillad, llestri cegin ac eitemau diangen o'r cartref.
Casgliadau am ddim a chefnogi elusen o'ch dewis - Action for Children, Advance, Ecologi neu Together for Short Lives.
