Premiymau treth gyngor ar gyfer eiddo gwag hirdymor ac ail gartrefi

Mae Cyngor Bwrdeistref Sirol Pen-y-bont ar Ogwr wedi cymeradwyo cyflwyno Premiwm Treth Gyngor ar eiddo gwag hirdymor sy'n dechrau ar 1 Ebrill 2023 ac ar ail gartrefi sy'n dechrau ar 1 Ebrill 2024. Diffinnir annedd gwag hirdymor fel annedd sy'n wag a heb ei ddodrefnu fawr ddim am gyfnod parhaus o flwyddyn o leiaf. Diffinnir ail gartref fel annedd nad yw'n unig gartref neu'n brif gartref person ac sydd wedi’i ddodrefnu'n sylweddol.

  • O 1 Ebrill 2023, bydd eiddo gwag hirdymor ym Mhen-y-bont ar Ogwr yn destun tâl treth gyngor o 200% o’r tâl treth gyngor blynyddol am y 2 flynedd gyntaf a bydd y tâl yn cynyddu i 300% o'r tâl blynyddol wedi hynny.
  • O 1 Ebrill 2024 bydd pob ail gartref yn destun tâl treth gyngor o 200% o’r tâl blynyddol am y 2 flynedd gyntaf a bydd y tâl yn cynyddu i 300% o'r tâl blynyddol wedi hynny.

Mae gan awdurdodau lleol ddisgresiwn i godi premiwm a bwriad hynny yw bod adnodd ganddynt a fydd yn helpu Cynghorau i:

  • sicrhau bod tai gwag hirdymor yn cael eu defnyddio unwaith eto er mwyn darparu cartrefi diogel a fforddiadwy
  • cefnogi awdurdodau lleol i gynyddu'r cyflenwad o dai fforddiadwy a gwella cynaliadwyedd cymunedau lleol

Mae rhai esemptiadau yn berthnasol ar gyfer eiddo gwag megis:

  • pan fo’r preswylydd mewn gofal preswyl neu ysbyty yn yr hirdymor,
  • pan fo mae annedd yn cael ei atgyweirio'n strwythurol (am hyd at flwyddyn),
  • pan fo’r preswylydd wedi marw (am hyd at chwe mis ar ôl rhoi profiant neu lythyrau gweinyddu)

Eithriadau i’r premiwm

Mae rhai eithriadau i'r premiwm a all fod yn berthnasol o 1 Ebrill 2023 ac mae'r rhain wedi'u rhestru isod:

  • Dosbarth 1 - anheddau sydd ar y farchnad i'w gwerthu neu lle mae cynnig i brynu'r annedd wedi cael ei dderbyn, gyda therfyn amser o flwyddyn
  • Dosbarth 2 - anheddau sydd ar y farchnad i'w gosod neu lle mae cynnig i rentu'r annedd wedi cael ei dderbyn, gyda therfyn amser o flwyddyn
  • Dosbarth 3 - anecsau sy'n rhan o'r brif annedd neu sy'n cael eu trin fel rhan o'r brif annedd
  • Dosbarth 4 - anheddau a fyddai'n unig neu'n brif breswylfa i rywun pe na bai'n byw mewn llety i'r lluoedd arfog
  • Dosbarth 5 – lleiniau carafanau ac angorfeydd cychod a feddiennir (ail gartrefi yn unig)
  • Dosbarth 6 - anheddau lle mae amod cynllunio yn nodi na ellir eu meddiannu drwy gydol y flwyddyn neu'n barhaol, neu'n nodi'n benodol mai dim ond fel llety gwyliau byrdymor y gellir eu defnyddio, neu'n atal person rhag eu defnyddio fel unig neu brif breswylfa (ail gartrefi yn unig)
  • Dosbarth 7- anheddau sy'n gysylltiedig â swyddi (ail gartrefi yn unig).

Os ydych chi’n credu eich bod yn gymwys ar gyfer eithriad a restrir uchod, anfonwch e-bost

Cyfeiriad ebost: premiums@bridgend.gov.uk

Data Premiwm y Dreth Gyngor

Mae Cyngor Bwrdeistref Sirol Pen-y-bont ar Ogwr yn codi premiwm y Dreth Gyngor ar unedau eiddo dan bwerau a nodir yn Neddf Tai (Cymru) 2014.

Ers 1 Ebrill 2023 mae unedau eiddo Gwag Hirdymor (y rhai sy’n wag am 12 mis neu fwy) wedi gorfod talu Treth Gyngor yn ôl cyfradd o 200% o’r dreth gyngor a godir yn flynyddol. Unwaith y bydd eiddo wedi bod yn atebol am dâl premiwm am 2 flynedd, mae'r tâl premiwm yn cynyddu i 300% o'r tâl blynyddol nes bod yr eiddo'n cael ei werthu neu ei feddiannu.

O ran y sefyllfa ar  31 Mawrth 2024, roedd gan Gyngor Bwrdeistref Sirol Pen-y-bont ar Ogwr 447 o eiddo gwag hirdymor, sydd wedi cynyddu dros 40% i 795 o ran y sefyllfa ar 31 Mawrth 2025. Casglwyd incwm ychwanegol o £547,253.04 yn 2024/25.

Cyflwynwyd tâl premiwm hefyd ar ail gartrefi o 1 Ebrill 2024 ymlaen ac mae incwm ychwanegol o £163,079.90 wedi'i gasglu yn 2024/25 mewn perthynas â'r eiddo hyn.

Mae Cyngor Bwrdeistref Sirol Pen-y-bont ar Ogwr yn defnyddio’r refeniw a gaiff ei greu o Bremiwm y Dreth Gyngor i gefnogi ystod eang o wasanaethau, gan gynnwys gwasanaethau tai a digartrefedd y Cyngor, ac i helpu i ddiwallu anghenion tai lleol.

Cysylltu

Os oes gennych unrhyw ymholiadau ynghylch eich treth gyngor, cysylltwch â ni drwy ddefnyddio ein ffurflen ar-lein.

Cysylltwch â’r Adran Dreth Gyngor

Chwilio A i Y