Lleoliadau Dechrau'n Deg
Rhaglen wedi’i hariannu gan Lywodraeth Cymru yw Dechrau’n Deg sy’n targedu plant 0-3 oed a’u teuluoedd, sy’n byw mewn codau post a nodwyd yn ardal Pen-y-bont ar Ogwr.
Nod y rhaglen yw gwella canlyniadau i blant a rhoi ‘Dechrau Teg’ iddynt erbyn yr adeg y byddant yn dechrau’r ysgol.
Mae Dechrau'n Deg Afon y Felin wedi'i leoli ar safle’r ysgol ac mae'n gweithredu o adeilad pwrpasol dros dro sydd wedi'i gynllunio i gefnogi dysgu a datblygiad plant ifanc.
Yn Dechrau'n Deg Betws rydyn ni’n gwybod bod gan blant angen cynhenid i chwarae, ac rydyn ni’n dathlu ac yn annog hyn yn weithredol.
Mae gan Dechrau’n Deg Melin Ifan Ddu eu hadeilad eu hunain yng nghanol y gymuned. Wedi'i leoli mewn ardal dawel, mae'r lleoliad yn elwa o fynediad i ardd gymunedol ac mae golygfeydd hyfryd oddi yno, gan greu amgylchedd tawel a chroesawgar lle gall plant ddysgu a chwarae.
Mae Dechrau'n Deg Blaenllynfi yn hen adeilad yr ysgol fabanod, wedi'i amgylchynu gan wal gerrig draddodiadol. Mae gan y lleoliad ei ardal awyr agored naturiol ei hun, gan ddarparu amgylchedd tawel lle gall plant archwilio, chwarae a dysgu.
Mae Dechrau'n Deg Bracla wedi'i leoli yn Ysgol Gynradd Bracla wrth galon cymuned Bracla. Mae'r ffaith ei fod wedi'i leoli'n ganolog yn golygu bod y lleoliad yn hygyrch i deuluoedd, tra bod yr awyr agored yn cynnig cyfleoedd gwerthfawr i blant archwilio, chwarae a datblygu eu sgiliau corfforol.
Yn Dechrau'n Deg Caerau rydyn ni’n cydnabod hawl y plentyn i chwarae. Ein nod yw rhoi mynediad at brofiadau chwarae cyfoethog ac ysgogol wrth i ni gydnabod pwysigrwydd hyn i ddatblygiad iach, lles a'r gymdeithas y maent yn byw ynddi.
Mae Dechrau'n Deg y Garth wedi'i gofrestru gydag Arolygiaeth Gofal Cymru (AGC) a gall ddarparu ar gyfer hyd at 12 o blant. Mae gennym ofod dan do clyd sy'n galluogi plant i deimlo'n gartrefol. Yn ein hardal awyr agored gall y plant archwilio a chwarae'n rhydd.
Mae Dechrau'n Deg Nant-y-moel yng nghanol y pentref yn neuadd gymunedol MEM. Mae gan yr adeilad olygfeydd hyfryd o'r mynyddoedd cyfagos, gan ddarparu amgylchedd croesawgar ac ysbrydoledig i blant ddysgu a chwarae.
Mae Dechrau'n Deg Cwm Ogwr wedi'i leoli yn yr ysgol ac mae golygfeydd hardd o’i gwmpas. Mae gan y lleoliad ei fynedfa bwrpasol ei hun, gan sicrhau mynediad diogel i blant a theuluoedd.
Mae Dechrau'n Deg Plasnewydd wedi'i leoli yn Ysgol Gynradd Plasnewydd yn agos at ganol y dref. Mae gan y lleoliad ei fynedfa bwrpasol ei hun, gan sicrhau mynediad diogel i blant a theuluoedd.
Mae Dechrau'n Deg Sarn yn hyb yng nghanol y gymuned ac mae gweithwyr proffesiynol eraill hefyd yn gweithio oddi yno. Mae gan yr adeilad diroedd helaeth o’i gwmpas, sy’n rhoi digon o le i blant archwilio a mwynhau chwarae awyr agored, gan gynnwys polytunnel mawr a all galluogi plant i fod yn arddwyr hyderus trwy brofiadau tyfu ymarferol.